பெண்கள் மீதான குற்றங்களை தூண்டுபவை அதிகாரத்தில் இருப்பவர்களின் கூற்றுக்களே

‘அது என் குற்றம்’ என்ற நான்கு நிமிடங்கள் மட்டுமே ஓடுகிற ஆங்கில குறும்படம் ஒன்று சமீபத்தில் இணையத்தில் லட்சக்கணக்கானவர்களால் பார்க்கப்பட்டது. கல்கி என்ற இந்தித் திரைப்பட நடிகரும் தொலைக்காட்சித் தொகுப்பாளரும் இறுதிக் காட்சியில் ஒரு போலீஸ்காரரும் இடையில் சில கைகளும் கதாபாத்திரங்கள்.

பாலியல் வன்முறைக்கு காரணம் பாதிக்கப்பட்ட பெண்தான் என்று சொல்லப்படுவதைச் சாடும் இந்த குறும்படம், ‘பாலியல் வன்முறையால் சிறுமைப்படுத்தப்பட்டாயா? மேலும் சிறுமைப்படுத்தப்பட வேண்டுமா? காவல் நிலையத்துக்குச் செல்’. ‘பாலியல் வன்முறை.... அது என் குற்றம்’ என்று பாதிக்கப்பட்ட பெண் சொல்வதாக முடிகிறது.

குட்டைப் பாவாடை, செல்போன், நண்பர்களுடன் வெளியில் செல்வது ஆகியவற்றோடு பெண்கள் இருப்பதே பாலியல் வன்முறைக்கு காரணம் என்று எள்ளி நகையாடுகிறது. பாலியல் வன்முறை பற்றிய ஆணாதிக்கப் பார்வை மீது, மிகவும் குறிப்பாக காவல் துறையினர் மத்தியில் நிலவும் ஆணாதிக்கப் பார்வை மீது சாட்டை வீசுகிறது.


எதிர்ப்புக்கள் வலுத்துக்கொண்டே இருக்கும்போதும் ஆணாதிக்கக் கருத்துக்கள் ஆட்டம் போடப் பார்க்கின்றன. டில்லியில் சமீபத்தில் பாலியல் வன்முறைக்கு உள்ளாக்கப்பட்டு புகார் செய்ய காவல் நிலையத்துக்குச் சென்ற பெண்ணிடம், எப்படி பாலியல் வன்முறை செய்தார்கள், செய்து காட்டு என்று ஒரு காவல்துறை அதிகாரி கேட்டார். காவல்துறை அதிகாரி இப்படி கேட்டதற்கு நான் பதில் சொல்ல முடியாது டில்லி காவல்துறையிடமும் லெப்டினன்ட் கவர்னரிடமும் கேளுங்கள் என்று ஷீலா திக்ஷித் சொல்லிவிட்டார்.

என் மகள் இப்படி நடந்து கொண்டிருந்தால் அவளை உயிருடன் எரித்துக் கொன்று போட்டிருப்பேன் என்று டில்லி பாலியல் வன்முறை குற்றவாளிகளுக்கு வாதாடி தோற்றுப்போன வழக்கறிஞர் சொன்னார். இந்தக் கருத்துக்கள் கடுமையான எதிர்ப்பையும் சந்தித்தன. இவர்களுக்கு இப்படி கொன்றுபோடும் அதிகாரத்தை யார் தந்தது?

பாலியல் வன்முறைச் சம்பவங்களுக்கு பெண்களே காரணம் என்ற கருத்துக்கள் வலம் வரும் போது, பெண்கள் மீது வேறு குற்றங்கள் நடந்தால் அவற்றுக்கும் பெண்களே காரணம் என்று சமீபத்திய உச்சநீதிமன்ற தீர்ப்பு ஒன்று சொல்கிறது.

1995ல், காங்கிரசைச் சேர்ந்த நயினா சாஹ்னி காங்கிரசைச் சேர்ந்த அவரது கணவரால் சுட்டுக்கொல்லப்பட்டு பிறகு வெட்டி துண்டுகளாக்கப்பட்டு பிறகு அவர் கணவர் நடத்தி வந்த உணவு விடுதியின் தந்தூர் அடுப்பில் எரிக்கப்பட்டார். விடுதியின் மேலாளர், சர்மாவுக்கு உதவி செய்தார்.

பாதிக்கப்பட்டவர், குற்றவாளி, உடந்தையாக இருந்தவர் அனைவருமே காங்கிரசைச் சேர்ந்தவர்கள். தந்தூர் கொலை வழக்கு என்று அழைக்கப்படுகிற இந்த வழக்கில் குற்றவாளியான சுஷில் சர்மாவுக்கு விசாரணை நீதிமன்றமும் டில்லி உயர்நீதிமன்றமும் வழங்கிய மரண தண்டனையை குறைத்து தீர்ப்பு வழங்கியுள்ளது உச்சநீதிமன்றம். குற்றவாளி தனது எஞ்சியுள்ள வாழ்நாளை சிறையில் கழிக்க வேண்டும். தண்டனை குறைப்பு பெரிய பிரச்சனையில்லை. அதற்காக தீர்ப்பில் சொல்லப்பட்ட தர்க்கங்கள் பிரச்சனைக்குரியவை.

குற்றம் மிருகத்தனமானதுதான் என்றாலும் மிருகத்தனம் மட்டுமே மரண தண்டனை வழங்க காரணமாக அமைந்துவிட முடியாது என்றும் குற்றம் செய்யத் தூண்டிய சூழலை கணக்கில் கொள்ள வேண்டும் என்றும் தீர்ப்பு சொல்கிறது.

தன் மனைவி மீது சர்மா ஆழ்ந்த காதல் கொண்டிருந்தார் என்றும் தன் மனைவி தனக்கு மட்டும் சொந்தமானவராக இருக்க வேண்டும் அவர் விரும்பியதாகவும் அவர் மனைவி வேறொருவருடன் தொடர்பு கொண்டுள்ளதாக சந்தேகம் அவருக்கு ஏற்பட்டது என்றும் அதனால் கோபத்தில் கொன்றுவிட்டார் என்றும் இதற்கு மரண தண்டனை தரத் தேவையில்லை என்றும் சொல்லப்பட்டுள்ளது. தீர்ப்பு சொன்ன நீதிபதி ஒரு பெண்.

நயினா சாஹ்னி சுஷில் சர்மாவின் சொத்து, அந்தத் தனிச்சொத்துரிமையை பாதுகாக்க சுஷில் சர்மா சொத்தையே அழித்து, தனிச்சொத்துரிமையை நிலைநாட்டிவிட்டார். இதற்காக மரண தண்டனையா என்று உச்சநீதிமன்றம் கேட்கிறது. தீர்ப்புப்படி நயினா சாஹ்னி தனது சந்தேகத்துக்குரிய நடத்தையால் சுஷீல் சர்மாவை குற்றம் செய்யத் தூண்டியுள்ளார்.

பாதிக்கப்பட்ட பெண்ணின் நடத்தை பற்றி யாரும் கேள்வி எழுப்பக்கூடாது என்று மதுரா வழக்குக்குப் பின் எழுந்த போராட்டங்களிலும் நீதிபதி வர்மா பரிந்துரைகள் வரை வலியுறுத்தப்பட்டாலும், காவல் துறையினரோ, வழக்கறிஞரோ, நீதிபதியோ, பாதிக்கப்பட்ட பெண்ணின் நடத்தை பற்றி கேள்வி எழுப்புவார்கள் என்றால், அவர்கள் மீது கடுமையான நட வடிக்கைகள் பாயும் வரை, அவர்கள் தண்டனைக்கு உள்ளாக்கப்படும் வரை, தண்டனை பற்றிய அச்சத்தை அவர்கள் மத்தியில் உருவாக்கும் வரை இதுபோன்ற தீர்ப்புக்கள் தொடரும்.

குற்றம் செய்தவருக்கு மட்டுமின்றி அதை செய்யத் தூண்டியவருக்கும், துணை போனவ ருக்கும் தண்டனை உண்டு. பெண்கள் மீதான குற்றங்களில் அதிகாரத்தில் இருப்பவர்களின் இதுபோன்ற அலட்சியக் கூற்றுக்கள், ஆணாதிக்கக் கருத்துக்களே முக்கிய பங்காற்றுகின்றன. தண்டனை பற்றிய அச்சத்தை அவை போக்கி விடுகின்றன. பெண்கள் மீதான குற்றங்களை தூண்டுபவை உண்மையில் அதிகாரத்தில் இருப்பவர்களின் கூற்றுக்களே.

வினோதினி மீது அமிலம் வீசிய கயவனும் வினோதினி மீது இருந்த ஆழ்ந்த காதலில்தான், அந்தக் காதலை வினோதினி ஏற்றுக்கொள்ளாததால்தான் அப்படிச் செய்ததாகச் சொன்னான். இன்று வினோதினியின் தாய் தற்கொலை செய்து கொண்டுவிட்டார். வினோதினி வழக்கிலேயே குற்றவாளிக்கு ஆயுள் தண்டனை வழங்கப்பட்டுவிட்டது. வினோதினியின் தாய் தற்கொலை செய்துகொண்டதற்கும் காரணமான அந்தக் குற்றவாளிக்கு இன்னொரு முறை யாரும் தண்டனை தரப்போவதில்லை.

முதல் குற்றம் தடுக்கப்பட்டிருந்தால் இரண்டாவது குற்றம் நிகழ்ந்திருக்காது. தடுக்காதது அரசின் குற்றம். அரசுக்கு என்ன தண்டனை? (குடும்பப் பெருமை பேசுபவர்கள் கவனத்துக்கு: பெண் வாழ்க்கை, குடும்பத்தை மய்யமாகக் கொண்டது என்ற கருத்தும் சேர்ந்துதான் வினோதினியின் தாயை தற்கொலைக்குத் தள்ளியுள்ளது).

டில்லி பாலியல் வன்முறைக் குற்றவாளிகளுக்கு மரண தண்டனை வழங்கப்பட்டது தங்கள் போராட்டத்துக்கு நியாயம் வழங்கியுள்ளதாக போராட்டத்தில் பங்கேற்ற ஒரு பிரிவினர் கருதுகின்றனர். கடுமையான தண்டனை தரப்பட வேண்டும் என்று வலியுறுத்தியவர்களைப் பொறுத்தவரை, மரண தண்டனை தீர்வாகாது என்றாலும், தண்டனை தரப்பட்டது நாடு தழுவிய போராட்டத்துக்கு கிடைத்த வெற்றியே. அந்த தண்டனை உறுதிசெய்யப்பட காத்திருக்கிறது.

இதுபோன்ற கடுமையான தண்டனை ஷோபியன் பள்ளத்தாக்கில் காஷ்மீரப் பெண்களை பாலியல் வன்முறைக்கு உள்ளாக்கிய குற்றவாளிகளுக்கு, மணிப்பூரில் தங்ஜம் மனோரமாவை பாலியல் வன்முறைக்கு உள்ளாக்கி படுகொலை செய்தவர்களுக்கு இன்னும் ஏன் தரப்படவில்லை என்ற கேள்வி வலுவாக எழுப்பப்படுகிறது.

இந்தச் சூழலில் நாட்டை உலுக்கிய தந்தூர் வழக்கில் குற்றவாளிக்கு ஆதரவாக வெளியாகியுள்ள தீர்ப்பும் அதற்காக சொல்லப்பட்டுள்ள தர்க்கங்களும் அடுத்தடுத்த ‘அதிகாரக்’ குற்றவாளிகளுக்கு அச்சம் தருவதற்கு மாறாக, தெம்பையும் துணிச்சலையுமே தரும். நம்மைப் பாதுகாக்க நாடே இருக்கிறது என்ற அவர்கள் நம்பிக்கைக்கு வலுவூட்டும்.

பாலியல் வன்முறைக் குற்றங்கள் மற்றும் பெண்களுக்கு எதிரான குற்றங்களில் ‘அதிகாரக்’ குற்றவாளிகள் தண்டிக்கப்பட வேண்டும் என்ற நீதிபதி வர்மா ஆணைய பரிந்துரைகள் அமல் படுத்தப்பட வேண்டும் என்பது இன்றைய சூழலில் இன்னும் அவசியமாகிறது.

கோவை நாடாளுமன்ற தொகுதி: ஒரு பார்வை - என்.கே

கோவை நாடாளுமன்றத் தொகுதி, தொழிலாளர் வர்க்கம் நிறைந்த தொகுதி. ஜவுளித் தொழிலின் பல வகைப்பட்ட தொழிலாளர்கள் முதல் நவீன தகவல் தொழில் நுட்ப தொழிலாளர்கள் வரை, செங்கல் சூளை தொழிலாளர் முதல் கட்டுமானத் தொழிலாளர் வரை வாக்காளர்களைக் கொண்ட தொகுதி.

இந்தத் தொகுதியில் வாக்கு அளிக்க முடியாத ஏராளமான நூற்பாலை நவீனக் கொத்தடிமைத் தொழிலாளர்களும் உள்ளனர். பெரிய, நடுத் தரத் தொழில்களைக் கொண்டிருந்தபோதும், அவற்றோடு நெருக்கமான பிணைப்புள்ள சிறுவீத உற்பத்தியே மேலோங்கி உள்ளது. இதில் உள்ள ஆறு சட்டமன்றத் தொகுதிகளில் பல்லடம் தொகுதி திருப்பூர் மாவட்டத்திற்குள்ளும் மற்ற அய்ந்து தொகுதிகள் கோவை மாவட்டத்திற்குள்ளும் உள்ளன.

கோவையில் முதல் ஜவுளி ஆலை பிரிட்டிஷாரால் துவக்கப்பட்டது. 1896ல் ஸ்டேன்ஸ் மற்றும் நரசிம்மலு நாயுடு உதவியுடன் ஸ்டேன்ஸ் மில் துவக்கப்பட்டது. ஸ்டேன்ஸ் மில் பல இந்திய முதலாளிகளின் கைகளுக்கு மாறி தற்போது முருகன் மில், காளீஸ்வரா மில் என்ற பெயரில் 1970லிருந்து என்.டி.சி மில்லாக செயல்பட்டு வருகிறது. இந்த ஆலை துவங்கப்பட்ட பின்பு, முதல் உலகப் போர் காலகட்டத்தில் பல ஆலைகள் துவங்கப்பட்டு, தென் இந்தி யாவின் மான்செஸ்டர் என்று அழைக்கப்படும் அளவு கோவை ஜவுளித் தொழில் நகரமானது.

கடுமையான உழைப்பு சுரண்டல் இருந்தது. 16 மணி நேர வேலை, எப்போதும் ஆலை வளாகத்திற்குள்ளே அடியாட்களை இருந்தனர். கோவை வரலாற்றில் இதற்கெதிரான தொழிலாளர் போராட்டம்  குறிப்பிடத்தக்கது. ஜவுளித் தொழிலாளர்கள் போராட்டம் வீரஞ் செறிந்தது. சின்னியம்பாளையம் தொழிலாளர் போராட்டம், பங்கஜா மில் துப்பாக்கி சூடு, ஸ்டேன்ஸ் மில் துப்பாக்கி சூட்டில் பெண்கள் உட்பட 11 பேர் வீர மரணம், (5 பேரைத் தவிர 6 பேர் இது நாள் வரை அடையாளம் காணப்படவில்லை) லட்சுமி மில் தொழிலாளர் போராட்டம் என நாட்டை உலுக்கிய போராட்டங்கள் கண்ட பூமி. தொழிலாளர்களின் செங்குருதி பாய்ந்த பூமி.

அன்று தொழிலாளர் போராட்டங்கள் நாட்டு விடுதலைப் போரோடு இணைக்கப்பட் டிருந்தன. 1947க்கு முன்பே சிங்காநல்லூர் தொகுதி தொழிலாளர் தொகுதி என ஒதுக்கப்பட்டு அன்று காங்கிரஸ் சார்பில் காங்கிரஸ் சோசலிஸ்ட் என்று அறியப்பட்ட என்.ஜி.ராமசாமி சட்டமன்ற உறுப்பினராக தேர்ந்தெடுக் கப்பட்டார். அவரும் பின்னாளில் மில் முதலாளிகளின் ரவுடிகளின் தாக்குதலில் கொல்லப்பட்டார். அன்று கம்யூனிஸ்ட்களும் காங்கிரசுக்குள்தான் வேலை செய்தார்கள். சிறப்பு மிகுந்த கோவை ஜவுளித் தொழிலாளர்களின் போராட்டத்தால் வென்றெடுத்த உரிமைகள் பல.

நாடு முழுவதும் நலிவுறும் தறுவாயில் இருந்த 230க்கும்  மேற்பட்ட ஜவுளி ஆலைகள் 1970ல் அரசுடைமையாக்கப்பட்டன. அதில் கோவையில் 14 ஆலைகள் அரசுடைமை யாக்கப்பட்டன. பின்னாளில் அவற்றில் பெரும்பாலான ஆலைகள் மூடப்பட்டாலும் கோவை யில் அவை இது வரை இயங்கி வருகின்றன. அரசுடைமையாக்குவதற்கு கோவை தொழிலாளர் போராட்டமும் ஒரு முக்கிய காரணம்.

1985ல் ராஜீவ் காந்தியால் கொண்டு வரப்பட்ட புதிய ஜவுளிக் கொள்கை, கோவையில் பாரதூரமான மாற்றத்தை ஏற்படுத்தியது. 90க்கு மேற்பட்ட நலிவுற்ற ஆலைகள் இழுத்து மூடப்பட்டுவிட்டன. காம்போஸிட் ஆலைகள் உடைக்கப்பட்டு ஒருங்கிணைந்த துறைகள் தனித்தனி சிறிய யூனிட்களாக மாற்றப்பட்டன. கல்யாண மண்டபங்களும் மாட்டுக் கொட் டாய்களும் நூற்பாலைகளாயின. கிராமப்புறங்களில் புதிய புதிய மில்கள் உருவாயின.

நெசவுப் பிரிவில் ஓடிய விசைத்தறிகள் கழற்றப்பட்டு, ஆயிரக்கணக்கான விசைத்தறிக்கூடங்களாக மாற்றப்பட்டன. அனைத்து ஆலைகளிலும் நிரந்தரத் தொழிலாளர்கள் ஒழித்துக்கட்டப்பட்டு விட்டனர். சைமா (ஒரு காலத்தில் தமிழகத்தில் உள்ள 230 ஆலைகளைக் கொண்டிருந்தது) தொழிற்சங்கப் பேச்சுவார்த்தை என்று உருவாகிய கூட்டுபேர உரிமை காலாவதியாகியது, 1985 முதல் 1995க்குள் போராடிப் பெற்ற அத்தனை உரிமைகளும் தவிடு பொடியாயின. மூடிய ஆலைத் தொழிலாளர்களின் அவலக்குரல் அடங்கும் முன்பு கேம்ப் கூலி மற்றும் மாங்கல்ய திட்டத்தின் கீழ் வேலை செய்யும் தொழிலாளர்களின் அவலக்குரலும் சேர்ந்து விட்டது.

தொழிலாளர் வர்க்க இயக்கம் இந்தத் தாக்குதலுக்கு எதிரான போராட்டத்தை தற்காப்பு நிலையில் இருந்து அணுகியது. அதனால் முடமானது; அல்லது முடமாக்கப்பட்டது. வீரஞ்செறிந்த மரபு பின்னுக்குத் தள்ளப்பட்டுவிட்டது. அது தொழிற்சங்க இயக்கத்தில் அவலக் குரலாக ஒலித்தது. அது அரசியல் தளத்தில் சரணாகதியானது.

இடதுசாரி நிகழ்ச்சிநிரல் தாக்குதல் நிலையைத் தளர்த்திய சூழலில் கோவை குண்டு வெடிப்பையொட்டிய  நிகழ்வுகள் வலதுசாரி கருத்துக்களை தாக்குதல் நிலைக்கு கொண்டு வந்தன. இடைப்பட்ட காலத்தில் டெக்ஸ்டைல் அல்லாத தொழிற்சாலைகளில் தொழி லாளர்களின் தேடுதல்கள் சென்னைக் கலாச்சாரமான ஒரு தொழிற்சாலைக்கு ஒரு யூனியன் என்ற கருத்தால் ஈர்க்கப்பட்டு ஒரு சுற்று வலம் வந்து ஓய்வை நோக்கி சென்று கொண்டி ருக்கின்றன. அந்தப் போக்கு தொழிலாளர்களை அரசியலில் இருந்து ஓரங்கட்டும் போக் காகும்; அல்லது வலதுசாரிப் போக்கின் பின் ஓடும் போக்காகும்.

இத்தகைய நிலைமைகளில் தொடரும் நவதாராளவாத கொள்கைகள் கோவை தொழிற் துறையை பெரிய அளவில் மறுகட்டமைப்பு செய்திருக்கின்றன. இன்றும் ஜவுளி ஏற்றுமதியில் கோவை, இந்தியாவில் 3ஆவது இடத்தை வகிக்கிறது. மாறிய நிலைமைகளில் ஜவுளித் துறை யிலும், பொறியில் துறையிலும் லட்சக்கணக்கான தொழிலாளர்களை பலவிதமான மோசமான பணி நிலைமைகளில் பணியாற்ற வைத்திருக்கின்றது.

25,000த்திற்கு மேற்பட்ட  சிறிய, நடுத்தர, பெரிய தொழிற்சாலைகள் தொகுதிக்குள் உள் ளன. சுமார் 800 நூற்பாலைகள் இயங்கி வருகின்றன. 2 லட்சத்திற்கும் மேலான விசைத்தறி களும் பனியன் யூனிட்களும் இயங்குகின்றன. உயர் தொழில்நுட்ப சிறப்புப் பொருளாதார மண்டலங்கள், சிஎச்அய்எல் மற்றும் டைடல் பார்க் ஆகியவற்றோடு மேலும் அய்ந்து திட் டங்களுக்கான வேலையும் நடந்து வருகின்றது.

சிறப்புப் பொருளாதார மண்டலத்தில் முன்னணி நிறுவனங்களான டாடா கன்சல்டன்சி சர்வீஸ்,  சி.டி.எஸ், அய்பிஎம், ராபர்ட் போஸச் ஜிஎம்பிஎச், டாடா எல்எக்சி, டெல், ஆதித்தி டெக்னாலாஜிஸ், சிஎஸ்எஸ் கார்ப் மற்றும் கேஜிஅய்எஸ்எல் ஆகியவை கால் பதித்துள்ளன. சி.டி.எஸ் கோயம்புத்தூரில் இந்தியாவின் 2வது மய்யமாக திகழ்கிறது. அதில் 5,000 பேர் பணி புரிகின்றனர். உலகில் 17ஆவது அவுட்சோர்சிங் மய்யமாக கோவை திகழுகிறது.

கோயம்புத்தூரின் ஜவுளி அல்லாத பல தரப்பட்ட தொழில் நிறுவனங்களின் பெயர்களை  பட்டியலிட வேண்டியதில்லை. ஆபரணம் தயாரிப்பு, வெட் கிரைண்டர், மோட்டார் பம்புசெட் உற்பத்தியில் ஈடுபடும் லட்சக்கணக்கான தொழிலாளர்கள் மலிவான உழைப்பு சுரண்டலுக்கு ஆளாகி வருகின்றனர்.
கல்வி, மருத்துவம், ஹோட்டல்  துறையென மூலதனம் பாய்ந்திருக்கிறது. ஓர் ஆண்டிற்கு 55 ஆயிரம் பொறியாளர்கள் உருவாக் கப்பட்டு, வேலை சந்தையில் போட்டியிட வைக்கப்படுகின்றனர். ஒட்டு மொத்தத்தில் 90% அமைப்புசாரா தொழிலாளர்கள். இவர்களுக்கு கூட்டு பேர உரிமை, சட்ட உரிமைகள் மறுக்கப்பட்டு வருகின்றன.

கோவை நாடாளுமன்றத் தொகுதி கோயம்புத்தூர் வடக்கு, கோயம்புத்தூர் தெற்கு, கவுண்டம்பாளையம், சிங்காநல்லூர், பல்லடம் சட்டமன்ற தொகுதிகளை உள்ளடக்கியது. இதுவரை 17 முறை தேர்தல் நடந்திருக்கிறது. சிபி.அய் 5 முறை, சிபிஅய்(எம்) 2 முறை என 7 முறை இடதுசாரிகளும், காங்கிரஸ் 6 முறையும், திமுக, பாரதிய ஜனதா கட்சிகள் தலா 2 முறையும் வெற்றி பெற்றுள்ளன. ஒரு முறை கூட அதிமுக போட்டியிட வில்லை. தற்போதைய கோவை நாடாளுமன்ற உறுப்பினர் சிபிஅய்(எம்)அய்ச் சேர்ந்தவர். அவர் அதிமுக கூட்டணியில் வெற்றி பெற்றவர். கடந்த முறை நடைபெற்ற சட்டமன்றத் தேர்தலில் 6 சட்டமன்ற தொகுதியிலும் அதிமுக கூட்டணியே கைப்பற்றியது.

தற்போது அரசியல் கட்சிகள் வருகின்ற நாடாளுமன்ற தேர்தலை நோக்கிய தயாரிப்புக் கூட்டங்களை நடத்தி வருகின்றன. மாலெ கட்சியும் தயாரிப்புகளை மேற்கொண்டு வருகிறது. இடதுசாரி அரசியலை, பாட்டாளி வர்க்க அரசியலை சமரசப் பாதையிலிருந்தும் சரணாகதிப் பாதையிலிருந்தும் மீட்டெடுக்க வேண்டும். பாட்டாளி வர்க்க அரசியல் கருத்தியலின் குறிப்பான அம்சங்கள் விவாதிக்கப்பட வேண்டும் அதற்கேற்ப அமைப்பு ஒழுங்கு படுத்தப்பட வேண்டும். அரசியல் நடவடிக்கைகள் மேற்கொள்ளப்பட வேண்டும். சுதந்திரமான பாட்டாளி வர்க்க அரசியலை தூக்கலாக அறுதியிட வேண்டும்.

தொழிற்சங்க இயக்கத்தில் பிரிக்கால் போராட்டத்தின் மூலம் புரட்சிகரப் போக்கை அறிமுகப்படுத்தியுள்ளோம். அதன் வீச்சு மெல்ல மெல்ல வேரூன்ற ஆரம்பித்துள்ளது.  பிரிக்கால் தொழிலாளர் போராட்டத்தோடு நில்லாமல், மாவட்டத்தில் ஒரு புரட்சிகர கம்யூனிஸ்ட் கட்சி கட்டப்பட்டு, அது, முதலாளித்துவ நிறுவனங்களோடும் முதலாளித்துவ அரசியலோடும், பாட்டாளி வர்க்கத்தின் போரை வழிநடத்தத் துவங்கியுள்ளது.

அரசியல் கருத்தியல் பிரச்சாரம் செய்ய, அமைப்பை இயக்கத்தை விரிவுபடுத்த, நாடாளுமன்ற தேர்தல் வேலை நிச்சயம் பயன்படும்.

மலையம்பாளையம் மக்கள் நல்வாழ்விற்கான போராட்டத்தில் அவிதொச

நாமக்கல் மாவட்டம்,  ராசிபுரம் தாலுக்கா, மலையம்பாளையம் கிராமத்தில் அனைத்திந்திய விவசாயத் தொழிலாளர் சங்கம் செயல்பட்டுவருகிறது. 200க்கும் மேற்பட்டோர்  உறுப்பினர்களாக  உள்ளனர். 100 நாள் வேலைத் திட்டத்தில் கூலி குறைப்பிற்கு எதிராக நடைபெற்ற  வேலை  நிறுத்தப் போராட்டத்தில்  கடந்த ஆண்டில் 15 நாட்கள் பங்கேற்றனர்.

    தலித் மக்கள் குடியிருக்கிற உட்கிடை கிராமமான மலையம்பாளையத்திற்கு அடிப்படை வசதிகளோ, மருத்துவ வசதிகளோ எதுவும் கிடையாது. எனவே மக்கள் சுகாதார சீர்கேடு காரணமாக விஷக் காய்ச்சலுக்கு உள்ளானார்கள். 8 கி.மீ. பயணம் செய்து அத்தனூர் ஆரம்ப சுகாதார நிலையம் அடைவதற்கு சரியான பஸ் வசதியும் கிடையாது.

செப்டம்பர் 29 அன்று அயாலா சங்க மாவட்ட அமைப்பாளர் பா.கணேசன் தலைமையில் போராட திட்டமிடப்பட்டது. தொலைக் காட்சிகளும் மக்களுடைய பரிதாப நிலைமையையும், அரசாங்கத்தின் அலட்சிய போக்கையும் அம்பலப்படுத்தின. சங்க நிர்வாகிகள் சங்கீதா, சித்ரா, சுமதி ஆகியோர் உடனடியாக மருத்துவ முகாம் அமைக்கவில்லையென்றால் அத்தனூர் மருத்துவ மனைக்கு பூட்டு போடுவோம் என எச்சரித்தனர். நிர்வாகம் பணிந்தது. அடுத்த நாளே ஆரம்பகட்ட சிகிச்சைகளிலும், பரிசோதனையிலும் ஈடுபட்டனர். தொடர்ந்து ஒவ்வொரு நாளும் என ஒரு வார காலத்திற்கு மருத்துவர்கள் வந்து சிகிச்சையை மேற்கொண்டனர். பஞ்சாயத்து நிர்வாகம் கிராமத்தை சுத்தம் செய்ததோடு, துப்புரவு தொழிலாளர்களைக் கொண்டு சுகாதாரச் சீர்கேடுகளை போக்குவதில் ஈடுபட்டுள்ளது.

மலையம்பாளையம் கிராமத்தில் தற்போது ஜி.யசோதாவை பொறுப்பாளராக கொண்டு கட்சி செயல்வீரர்கள் குழு அமைக்கப்பட்டுள்ளது. கட்சியை அறிமுகப்படுத்தி மாநிலக் குழு உறுப்பினர் தோழர் மோகனசுந்தரம் பேசிய கூட்டத்தில் 26 பேர் மாலெ கட்சியில் உறுப்பினராக சேர்ந்துள்ளனர்.

சீனப் புரட்சி மற்றும் அது தரும் பாடங்கள் பற்றிய ஒரு சுருக்கமான சித்திரம் - டி.பி.பக்ஷி

சீனப் புரட்சியின் முக்கிய கட்டங்களும் முக்கிய இயல்புகளும்

கட்டுரைத் தொடரின் துவக்க பகுதிகளில் 1924 முதல் 1927 வரை, சீனப்புரட்சியின் உருவாக்க காலம் பற்றி ஏற்கனவே விவாதித் துள்ளோம்.

கம்யூனிஸ்ட் கட்சி மற்றும் சன் யாட் சென் தலைமையிலான குவாமின்டாங் கின் ஒத்துழைப்பின் அடிப்படையில் இந்த கால கட்டம் வடிவமைக்கப்பட்டது; பிற்போக்கு யுத்தப் பிரபுக்களுக்கு எதிராக கூட்டு ஆயுதப் படையினர் நடத்திய ‘வடக்கு நோக்கிய பயணம்’ என்று அழைக்கப்பட்ட ராணுவ இயக்கத்தில் முக்கிய வெற்றியும் பெற்றது. விந்தை முரணாக, 1927ல், இந்த இயக்கம் ஷாங்கே ஷெக்கின் துரோகத்தில் முடிந்தது; கம்யூனிஸ்ட் - குவாமின்டாங் பகை என்ற கசப்பான அத்தியாயத்தை திறந்து வைத்தது.

1927 முதல் 1936 வரை நடந்த தீவிரமான உள்நாட்டுப் போர் மற்றும் அனைத்தும் தழுவிய விவசாயப் புரட்சிக்கான கட்டத்தை அது திறந்துவிட்டது.
அதைத் தொடர்ந்து 1936ல் இருந்து 1945 வரை ஜப்பானிய எதிர்ப்பு தேசியப் போர் நடந்தது.

சீனப் புரட்சியின் இறுதிக் கட்டம் 1945 முதல் 1949 வரையிலானது. இது சாரத்தில் தீர்மானிக்கிற உள்நாட்டுப் போராக மாறியது.

எனவே, சீனப் புரட்சியை நாம் நான்கு முக்கிய கட்டங்களாக அல்லது காலகட்டங்களாக, அவற்றின் தனித்துவமான இயல்புக்கேற்ப, பிரிக்கலாம். இன்னும் விவரங்கள் பார்க்க வேண்டுமென்றால் ஒவ்வொரு கட்டமும் பல்வேறு துணைக் கட்டங்களில் பிரிக்கப்படலாம்.

எல்லாப் புரட்சிகளையும் போலவே, சீனப் புரட்சியும் பரந்த அளவில் நிகழ்வுகள் நிறைந்ததாக, எண்ணிலடங்கா விவரங்களால் பிரதிநிதித்துவப்படுத்தப்படுவதாக இருந்தது. விவரங்களுக்குள் விரிவாகச் செல்வதற்கு பதிலாக, முக்கியமான இயல்புகள் மீது கவனம் செலுத்தலாம்.

1. சீனத்தில், வெள்ளை ஆதிக்கத்தால் சுற்றி வளைக்கப்பட்டு, சிவப்பு அதிகாரம் எழுந்ததும் தொடர்ந்ததும் உள்நாட்டுப் போரின்போது (1927 - 1936) சீனப் புரட்சியின் முக்கியமான கட்டமாக இருந்தது. அந்த நிகழ்வுப்போக்கு பின்வரும் காரணிகள் அடிப்படையில் வடிவமைக்கப்பட்டது.

அ) உள்ளூர் விவசாயப் பொருளாதாரம் மற்றும் பிரித்தாளுகிற ஏகாதிபத்திய சக்திகளின் வெவ்வேறு தளத்திலான தாக்கம் ஆகியவற்றின் அடிப்படையிலான ஆளும் வர்க்கம் அல்லது பின்தங்கிய அரைக் காலனிய சீனத்தில் இருந்த வெள்ளை ஆதிக்கத்துக்குள்ளே இருந்த நீடித்த பிளவுகள் மற்றும் மோதல்கள். 1911ல் குடியரசு உருவானதில் இருந்து, இது அரை - காலனிய சீனத்தின் வகைமாதிரி இயல்பாக இருந்தது. பல்வேறு பழைய, புதிய யுத்தப் பிரபுக்கள் குழுக்கள், அந்நிய ஏகாதிபத்திய சக்திகள் மற்றும் உள்நாட்டு தரகு முதலாளித்துவம் மற்றும் நிலப்பிரபுத்துவ வர்க்கங்களின் ஆதரவுடன் ஒன்றுக்கெதிராக மற்றொன்று தொடர் போர் நடத்திக் கொண்டிருந்தன.

ஆ) ஹுனன், குவான்துங், ஹுபே மற்றும் கியான்சி போன்ற, முதலில் சிவப்பு அரசியல் அதிகாரம் எழுந்த, நீடித்த மாகாணங்களில் தொழிலாளர்கள், விவசாயிகள், போர்வீரர்கள் என வெகுமக்கள், 1926 - 1927 முதலாளித்துவ ஜனநாயகப் புரட்சியின் ஊடே, பெரும் எண்ணிக்கையில் எழுச்சியுற்றனர்.

நிலப்பிரபுக்கள் மற்றும் முதலாளிகளுக்கு எதிராக, இந்த பிராந்தியத்தின் பல பகுதிகளில் தொழிற்சங்கங்களும் விவசாய அமைப்புகளும் அரசியல் போராட்டங்களும் தொழிலாளர்களால் விவசாயிகளால் நடத்தப்பட்டன. இந்த இயக்கப்போக்கில் கான்டன் நகரத்தில் மூன்று நாட்களுக்கு மக்கள் அரசியல் அதிகாரத்தைக் கைப்பற்றினர்.

கிழக்கு மற்றும் தெற்கு ஹுனானில் ஹய்பெங் மற்றும் லாபெங் பகுதிகளில் விவசாயிகளின் சுதந்திரமான ஆட்சி உருவானது. தற்போதைய செம்படை தேசிய புரட்சிகர படையில் இருந்து பிரிந்தது. விவசாயிகள் மற்றும் தொழிலாளர் வெகுமக்களின் செல்வாக்கில் ஜனநாயக அரசியல் பயிற்சி பெற்றது.

இ) மக்கள் சிவப்பு அரசியல் அதிகாரம் ஒரு சிறிய பகுதியில் நீண்ட காலத்துக்கு நீடிப்பதும், தேசிய அளவில் புரட்சிகர சூழல் தொடர்ந்து வளர்ந்தபோது, தொடர்ந்து விரிவடைவதும் சாத்தியமானது.

ஈ) போதுமான வலிமை கொண்டு ஒரு முறையான செம்படையின் இருத்தல், சிவப்பு அரசியல் அதிகாரத்தின் இருத்தலுக்கு மற்றொரு காரணமாகும். செம்படை இல்லாமல், செங்காவலர்கள் அல்லது ஆயுதந்தாங்கிய உள்ளூர் சக்திகள் வெள்ளைப் படையை சமாளிக்க முடியாது. சிவப்பு ஆயுதக் குழுக்கள் அதிகபட்சம் நிலப்பிரபுக்களின் தனிப்படையினரை எதிர்கொள்ள முடியும்.

உ) சரியான கொள்கையுடனான வலுவான கம்யூனிஸ்ட் கட்சி அமைப்பு இருந்தது, சிவப்பு அரசியல் அதிகாரத்தின் இருத்தலுக்கு, வளர்ச்சிக்கு இன்னொரு முக்கிய காரணமாகும்.

2. சீனத்தின் புரட்சிகரப் போர் பின்வரும் இயல்புகளை கொண்டது.

அ) அரசியல் ரீதியாகவும் பொருளாதார ரீதியாகவும் ஏற்றத்தாழ்வான வளர்ச்சி கொண்ட ஒரு பெரிய அரை காலனிய நாட்டில் அது நடத்தப்பட்டது; அதுபோன்ற ஒரு நாடு ஒரு புரட்சியினூடே சென்றது.

ஆ) சீனப் புரட்சியின் எதிரி மிகப்பெரிய சக்தியாக, சக்தி வாய்ந்ததாக இருந்தது.

இ) சீனப் புரட்சியின் கருவியாக இருந்த செம்படை, எண்ணிக்கை, ஆயுதங்களின் தரம் மற்றும் ஆயுதங்களின் அளிப்பு என்ற விசயங்களில் சிறியதாக, பலவீனமானதாக இருந்தது.

ஈ) கம்யூனிஸ்ட் கட்சியின் தலைமையும் விவசாயப் புரட்சியும் இருந்தன.
இந்த இயல்புகள், சாதகமான மற்றும் கடினமான காரணிகள் சேர்ந்து இருந்ததை பிரதிநிதித்துவப்படுத்துகின்றன. சீனத்தின் புரட்சிகரப் போரையும் அதன் போர்த்தந்திர மற்றும் செயல்தந்திர கோட்பாடுகளையும் வழிநடத்துவதை தீர்மானித்தன.

இது பின்வரும் கோட்பாடுகளில் முடிவுக்கு வருவதற்கு உதவியது.
போர்த்தந்திர திசைவழியை சரியாக தீர்மானிக்க,

• தாக்குதல் நிலையில் இருக்கும்போது சாகசவாதத்தை எதிர்க்க வேண்டும்; தற்காப்பு நிலையில் இருக்கும்போது பழமைவாதத்தை எதிர்க்க வேண்டும்; ஓரிடத்தில் இருந்து மற்றோர் இடத்துக்கு மாறும்போது விரைந்தோடும் போக்கை எதிர்க்க வேண்டும்.

•    செம்படையில், அதன் கெரில்லா இயல்பை அங்கீகரிக்கும் அதேநேரம் கெரில் லாவாதத்தை எதிர்க்க வேண்டும்.

•    நீடித்த பிரச்சாரம் மற்றும் துரித முடிவெடுக்கும் போர்த்தந்திரத்தை எதிர்க்க வேண்டும்; நீடித்த போர் என்ற போர்த் தந்திரத்தையும் துரித முடிவெடுக்கும் இயக்கத்தையும் உயர்த்திப் பிடிக்க வேண்டும்.

•    ஒரே முடிவிலான போர் வழியை, நிலை கொண்ட போர் முறையை எதிர்க்க வேண்டும்; நெளிவுசுளிவான போர் வழி மற்றும் நகருகிற போர் முறையை கடை பிடிக்க வேண்டும்.

•    எதிரியை வெறுமனே தோற்கடிப்பதற்காக மட்டுமே போரிடுவதை எதிர்க்க வேண்டும்; எதிரியை அழித்தொழிப்பதற்காக போரிடுவதை உயர்த்திப் பிடிக்க வேண்டும்.

•    முழுமுற்றூடான மத்தியப்படுத்தப்பட்ட  ஆணை அதிகாரத்தை எதிர்க்க வேண்டும்; ஒப்பீட்டு ரீதியில் மத்தியப்படுத்தப்பட்ட ஆணை அதிகாரத்தை கடைபிடிக்க வேண்டும்.

•    தூய்மையான ராணுவ கண்ணோட்டத்தை, சுற்றியலைகிற கலகக்காரர்களின் முறைகளை எதிர்க்க வேண்டும்; சீனப் புரட்சியின் பிரச்சாரகராக, அமைப்பாளராக செம்படையை அங்கீகரிக்க வேண்டும்.

•    கொள்ளையர்கள் அல்லது யுத்தப் பிரபுக்கள் வழிகளை எதிர்க்க வேண்டும்; முறையான எல்லைகளுக்குள்ளான ஜனநாயகத்துடன் இணைந்த அரசியல் ஒழுங்கை உயர்த்திப் பிடிக்க வேண்டும்.

•    தனிமைப்படுத்தும்  கொள்கையை எதிர்க்க வேண்டும்; சாத்தியமுள்ள அனைத்து கூட்டாளிகளையும் வென்றெடுக்கும் கொள்கையை உறுதிப்படுத்த வேண்டும்.

•    செம்படையை அதன் பழைய கட்டத்தில் நிறுத்தவதை எதிர்க்க வேண்டும்; அதை உயர்ந்த கட்டத்திற்கு வளர்த்தெடுக்க பாடுபட வேண்டும்.

3. பின்வரும் முக்கியமான அம்சங்களுடன் கெரில்லா போர்த்தந்திரம் கடைபிடிக்கப்பட்டது.

அ) வெகுமக்களை எழுச்சியுறச் செய்ய நமது சக்திகளை பிரித்தனுப்ப வேண்டும்; எதிரியை எதிர்கொள்ள நமது சக்திகளை ஒன்று குவிக்க வேண்டும்.

ஆ) எதிரி முன்னேறும்போது நாம் பின்வாங்க வேண்டும்; எதிரி முகாம்களை நாம் துன்புறுத்த வேண்டும்; எதிரி களைப்படையும் போது நாம் தாக்க வேண்டும்; எதிரி பின்வாங் கும்போது நாம் தொடர வேண்டும்.
இ) ஸ்திரமான அடித்தளத்தை விரிவாக்க அலைஅலையாக முன்னேறும் கொள்கையை கடைபிடிக்க வேண்டும்; வலிமையான எதிரி  பின்தொடரும்போது சுற்றிவளைக்கும் கொள்கையை கடைபிடிக்க வேண்டும்.

ஈ) சாத்தியப்பட்ட குறுகிய நேரத்தில், சாத்தியப்பட்ட சிறப்பான வழிகளில், பெருமளவு வெகுமக்களை எழுச்சியுறச் செய்ய வேண்டும்.

இந்த செயல்தந்திரங்கள் ஒரு வலையை விரிப்பது போன்றவை. எந்த நேரமும் அதை விரிப்பதற்கும் இழுப்பதற்கும் நாம் தயாராக இருக்க வேண்டும். வெகுமக்களை வென்றெடுக்க அதை நாம் பரந்த அளவில் விரிக்க வேண்டும்; எதிரியை எதிர்கொள்ளும்போது இழுத்துக்கொள்ள வேண்டும்.

‘நகரும் போர்முறையில் எதிரிகளை ஒன்றன்பின் ஒன்றாக அழிக்க, ‘எதிரியை ஆழமாகக் கவர்ந்து இழு’, மேலோங்கிய சக்திகள் மீது கவனம் குவி, ‘எதிரியின் பலவீனமான அம்சங்களை தேர்ந்தெடு, எதிரியின் ஒரு பகுதியையோ அல்லது பெரும் பகுதியையோ அழித்து விட முடியும் என்று நிச்சயமாய் கருதும்போது போரிடு

4. கம்யூனிஸ்ட் தலைமையிலான செம்படை மற்றும் அடித்தளங்களுக்கு எதிரான ‘சுற்றிவளைப்பது மற்றும் தாக்குவது’ இயக்கம், மற்றும் இந்த இயக்கத்துக்கு எதிரான இயக்கம் ஆகியவை சீன உள்நாட்டுப் போரின் பிரதான வடிவத்தை பிரதிநிதித்துவப்படுத்துகின்றன. 

இந்த வடிவம் பத்தாண்டுகளுக்கு (1927 - 1937) மாறவே இல்லை. மாறிமாறி தற்காப்பு மற்றும் தாக்குதல் ஆகியவற்றுடன் இணைந்து இயக்கம் மற்றும் எதிர்இயக்கம் என்னும் நிகழ்வுப் போக்கு மீண்டும் மீண்டும் நடந்தது. ஆனால், இயக்கத்தின், போரின் உள்ளடக்கம் என்ற பொருளில், ஒன்றையே மீண்டும் மீண்டும் செய்வதாக அல்லாமல் ஒவ்வொரு முறையும் வெவ்வேறாக இருந்தது. ஒவ்வொரு இயக்கம், எதிர்இயக்கத்தின்போதும் அதன் மட்டம் பெருமளவு அதிகரித்தது; சூழல் மேலும் சிக்கலானது; போர் இன்னும் தீவிரமடைந்தது.

மீண்டும் மீண்டும் நிகழ்ந்த இந்த ‘சுற்றி வளைப்பது மற்றும் தாக்குவது’ இயக்கத்தை எதிர்கொள்ள கம்யூனிஸ்ட் கட்சி ஒரு சாரமான போர்த்தந்திரத்தை கடைபிடித்தது.

பின்வரும் அணுகுமுறை அடிப்படையில் அது இருந்தது;

ஒரு புரட்சியோ அல்லது புரட்சிகர போரோ தாக்குதல்தன்மை கொண்டது எனும் கூற்று சரியே. ஒரு புரட்சி, ஒரு சிறிய சக்தியாக இருந்து பெரிய சக்தியாக, அரசியல் அதிகாரம் இன்மையில் இருந்து அரசியல் அதிகாரத்தைக் கைப்பற்றி, செம்படை இல்லாததில் இருந்து செம்படையை உருவாக்கி, புரட்சிகர அடித்தளங்கள் இல்லாமையில் இருந்து அவற்றை நிறுவி, எழுச்சியுற்று வளர்ச்சியுறும்போது, தாக்குதல்தன்மை கொண்டதாகத்தான் இருக்கும்; பழமையானதாக இருக்காது.

ஆனால், ஒரு புரட்சியோ அல்லது புரட்சிகர போரோ தாக்குதல்தன்மை கொண்டது என்பதுடன் தற்காப்பு நிலை, பின்வாங்குதல் ஆகியவற்றையும் உள்ளடக்கியது எனும் கூற்றே முழுமையாக சரியாக இருக்கும். தாக்குவதற்காக தற்காப்பில் இறங்குவது, முன்னேறுவதற்காக பின்வாங்குவது, போர் முனைக்கு எதிராக நகர்வதற்காக பக்கவாட்டு பகுதிகளுக்கு எதிராக நகர்வது, நேராக செல்வதற்காக சுற்றி வளைத்துச் செல்வது - இது பல நிகழ்வுப்போக்குகளில் இயக்கப்போக்கில் தவிர்க்க முடியாதது.

இந்தப் போர்த்தந்திர அணுகுமுறை, செயலூக்கமிக்க மற்றும் செயலற்ற தற்காப்பு, மோதலுக்கு தயாராவது, போர்த்தந்திர பின்வாங்குதல் மற்றும் எதிர்த்தாக்குதல், படைத் துருப்புக்களை ஒன்றுகுவித்தல், நகரும் போர்முறை, துரித முடிவெடுக்கும் போர், அழித்தொழிப்பது ஆகியவற்றை கடைபிடிப்பது போன்ற குறிப்பான படிகளின் ஊடே செலுத்தப்படுகிறது.

இருபதாம் நூற்றாண்டின் 1930களின் துவக்க காலகட்டத்தில் கம்யூனிஸ்ட் கட்சிக்கு எதிராக, செம்படையையும் அடித்தளங்களையும் நொறுக்க, அடுத்தடுத்து அய்ந்து சுற்றி வளைப்பது மற்றும் தாக்குவது இயக்கங்களை சியாங்கே ஷெக் நடத்தினார்.

அவற்றை அடுத்த இதழில் பார்க்கலாம்.

தோழர் மாப்பிள்ளை (எ) பச்சியப்பன் மறைவு

மாலெ கட்சி தருமபுரி மாவட்டக் குழுவில் பணியாற்றி வந்த தோழர் ம.க.பச்சியப்பன் 30.09.2013ல் மரணமடைந்தார். 2006ல் தருமபுரி சட்டமன்ற தேர்தலில் கட்சி போட்டியிட்ட நாள் முதல் தொடர்பில் இருந்து 01.02.2007 முதல் கட்சியில் இணைந்தார்.

தன் இளைய வயதில் நக்சல்பாரி இயக்கத்தில் 1970 முதல் இணைந்து தோழர் பாலனுடன் பல போராட்டங்களில் சிறை சென்றுள்ளார். தோழர் மாப்பிள்ளை, பச்சியப்பன் என்றே இடதுசாரி வட்டத்தில் அறியப்பட்டவர். கந்துவட்டி கொடுமை, விவசாய தொழிலாளர் கூலி உயர்வு, வீட்டுமனை, நில உரிமை போராட்டங்களில் முன் நின்று சிறை சென்றவர். மாலெ கட்சியில் இணைந்து விவசாயத் தொழிலாளர்களை அணி திரட்டி பஞ்சபள்ளி, பாலக்கோடு, சோகத்தூர், கடகத்தூர் ஊராட்சி மாநாடுகளை நடத்தியுள்ளார்.

63 வயதான அவர் நோய்வாய்பட்டு 30.09.2013 அன்று மரணமுற்றார். கட்சியின் மாநிலக் கமிட்டி உறுப்பினர் ஏ.கோவிந்தராஜ், வேல்சின்னசாமி, கண்ணகி உள்ளிட்ட இடதுசாரி தோழர்கள் அஞ்சலி செலுத்தினர்.

11.10.2013 அன்று பாலக்கோடு மல்லாபுரத்தில் இடதுசாரி தோழர்கள் பங்கேற்ற இரங்கல் கூட்டம் நடந்தது.

கட்சியை அதன் அடுத்தகட்ட முன்னேற்றத்திற்கு எடுத்துச் செல்ல கத்துக்குட்டித்தனத்துக்கும் தற்காலிகவாதத்திற்கும் விடை கொடுப்போம்! கட்சி முழுவதும் ஆழமான கடினமான புரட்சிகர வேலைநடையை பரவச் செய்வோம்! காம்ரேட்

நிறைவு பகுதி

கட்சியின் ஒன்பதாவது மாநாட்டில் அமைப்பு பற்றிய அறிக்கையின் சில பகுதிகள் மீது கவனம் செலுத்தி இந்தக் கட்டுரைத் தொடரை நிறைவு செய்யலாம்.

“உறுப்பினர் சேர்ப்பு, புதுப்பித்தல், அனைத்து கட்சி நடவடிக்கைகளிலும் உறுப்பினர்களின் தொடர்ச்சியான கட்டமைக்கப்பட்ட பங்கேற்பு, கட்சி ஊழியர்களை வளர்ப்பது, சரியாக கவனிப்பது, கட்சி பத்திரிகை விநியோகம், கட்சி அணிகள் கல்வி, கட்சி கிளைகள் உருவாக்கம், செயல்படுதல், கட்சி கமிட்டிகள் ஸ்திரப்படுதல், தலைமையின் ஆற்றல் மற்றும் பண்பு என்ற அதன் எல்லா பரிமாணங்களிலுமான கட்சி கட்டுதல் கடமையில், நாம் சூழலின் தேவைக்கும், நமது சொந்த முன்முயற்சிகளின் வீச்சு, தாக்கம் ஆகியவற்றுக்கு பின்தங்குகிறோம்.”

“ அமைப்பு விவகாரங்கள் மற்றும் சூழலின் தேவை குறித்த ஓர் ஒட்டுமொத்தமான அணுகுமுறையை வளர்த்துக் கொள்வதில் ஏற்படும் இயலாமை, ஒருவிதமான பிளவுபட்ட தன்மைக்கு வழி வகுக்கிறது. ஒரு பிரிவு தோழர்கள், அமைப்புக் கடமைகளும் வெகு மக்களை திரட்டும் பொறுப்பும் தம் மீது மிகுந்த சுமையாக ஏறியுள்ளதாகக் கருதுகின்றனர்; இவர்கள், காலத்திற்கேற்ற அரசியல் கடமைகள் குறித்து, ஆர்வமின்றி இருக்கின்றனர் என்று சொல்ல முடியாத போதும், ஒரு பழமைவாத அணுகுமுறையை வளர்த்துக் கொண்டுள்ளனர். வேறு பிரிவு தோழர்கள் சிலரோ, அமைப்பு, அணி திரட்டலின்மை பற்றி புகார் சொன்ன வண்ணம் உள்ளனர்.

நமது முன்னுரிமைகள், வழமையான வேலை கலாச்சாரம் கண்காணித்தல் உட்பட பெரும்பாலான விசயங்களில், வெகுமக்கள் அணி திரட்டலுக்கு அழுத்தம் தருவதாகவும் கட்சி கட்டுதலைப் புறக்கணிப்பதாகவுமே உள்ளன. இந்த சமனற்ற நிலை சரி செய்யப்பட்டாக வேண்டும்.”

கட்சியில் உள்ள நிலைமைகள் பற்றிய மேற்கூறிய மதிப்பீட்டிலிருந்துதான், அமைப்பு விவகாரங்களில் தன்னெழுச்சிக்குத் தலை வணங்கும் கலாச்சாரத்திற்கு 9ஆவது கட்சி காங்கிரஸ் உறுதியாக முடிவு கட்ட வேண்டும் என்ற அறைகூவல் விடுத்தது.  தீர்வு நோக்கிய ஓர் அடிப்படை அணுகுமுறையை/பார்வையை, ஆவணம் முன் வைக்கிறது.

“உயர்கமிட்டிகள், பிரச்சாரம் மற்றும் கிளர்ச்சிக்குத் திட்டமிடும்போது, அமைப்பாக்கும் முறைக்கும் அமலாக்குவதற்கான முறைமைக்கும் கவனம் செலுத்தியாக வேண்டும். இந்த அனைத்து விசயங்களிலும் வழிகாட்டுவது, கண்காணிப்பது, அமைப்பு வழிமுறையிலான சாதனைகள் இடைவெளிகள் அல்லது குறைபாடுகள் பற்றிய ஒட்டுமொத்தமான உரிய காலத்திலான பரிசீலனையை மேற்கொள்வது தேவையாகும். இது மட்டுமே, நமது துணிச் சலான உறுதிப்படுத்தப்பட்ட விரிவாக்கத்தைத் துரிதப்படுத்தும்.”
கட்சியின் உறுப்பினர்களோடு வேர்க்கால் மட்டத்தில் தொடர் உறவு, கிளைகள் செயல் பாடு, உள்ளூர் கமிட்டி செயல்பாடு போன்றவை பற்றி ஆவணம் சொல்வதைக் காண்போம்.

கட்சிக் கிளையைச் செயல்படுத்துவதில் புறநிலைச் சிக்கல், புறநிலை வாய்ப்பு, மாற்றத் தேவைப்படுவது என்ன என்ற விசயங்களை ஆவணத்தின் 31ஆவது பத்தி சுட்டிக்காட்டுகிறது.

•    உறுப்பினர்களில் பெரும்பான்மையினர் சிறுவீத உற்பத்தி மற்றும் பின்தங்கிய உற்பத்தி உறவுகளோடு இணைக்கப்பட்டுள்ளனர். அவர்கள் ஓர் ஒழுங்கமைக்கப்பட்ட நவீன ஜனநாயக அமைப்பு முறைக்கு பழக்கப்பட்டவர்கள் அல்ல. இவையே, கிளைகள் இயங்குவதில் உள்ள புறநிலைரீதியான சிக்கல்கள். இதனால் கிளைகளில் ஏற்ற இறக்கங்கள் உள்ளன. கணிசமான தொடர்ச்சியற்ற தன்மை உள்ளது.

•    விடாப்பிடியான முட்டிமோதும் தன்மையும் வைராக்கியமும் பெரும்பான்மை உழைக்கும் மக்களின் இயல்பான குணங்கள். கைக்கும் வாய்க்குமான வாழ்க்கைத் தேவைகளை அடையவே, சளைக்காத போராட்டங்களை நடத்த வேண்டியுள்ள அவர்கள் மாற்றத்திற்கான பெரும் பசியுடன் உள்ளனர். அவர்களது பண்புகளிலும் மாற்றத்திற்கான தேடலிலும், அவர்களையும் கிளைகளையும் செயல்பட வைக்கும் வாய்ப்பு புறநிலையில் உள்ளது.

•    அவர்களை அமைப்பாக்க, அவர்களின் உணர்வு மட்டத்தையும் பங்கேற்பையும் உயர்த்த, ஒரு நிலையான அமைப்பு வலைப் பின்னலை உருவாக்க வாய்ப்புகள் உள்ளன. ஆனால், இது விடாப்பிடியான கருத்தியல் அமைப்புப் பணிகளால் மட்டுமே சாதிக்கப்பட முடியும்.

ஆனால் இந்த கருத்தியல் அரசியல் அமைப்புப் பணிகளை யார் செய்வார்கள்? சாதாரண உறுப்பினர்களும் கிளைகளும் தாமே செய்யுமா? “எங்கெல்லாம் மாவட்டக் கமிட்டி உறுப்பினர்கள் அல்லது ஒன்றியக் கமிட்டி உறுப்பினர்கள் கிளைகளுடன் சீரான தொடர்ச் சியான தொடர்பைப் பராமரிக்கிறார்களோ, அரசியல் ரீதியாகப் பயிற்றுவிக்கிறார்களே, அங்கெல்லாம் கிளைகள் செயல்பாடுள்ளதாகம், அனைத்துக் கட்சி நிகழ்ச்சிகளிலும் பங் கேற்பதைக் காண முடிகிறது.” கிளை தாமாக இயங்கும் என விட்டுவிடாமல், மேல் கமிட்டிகள் அவை செயல்படுவதில் பங்காற்ற வேண்டும்.

நவம்பர் 2012ல் பீகார், பாட்னாவில் கட்சி நடத்திய பேரணி அதற்குச் சில தினங்கள் முன் பீகார் முதல்வர் நிதிஷ் நடத்திய பேரணியைக் காட்டிலும் அனைத்து அம்சங்களிலும் விஞ்சிச் சென்றதாக முதலாளித்துவ ஊடகங்களே எழுதினார்கள். அந்த வெற்றிக்கு, நமது 2300 கிளைகளும் செயல்பட்டது முக்கியக் காரணம். இப்போது, நரேந்திர மோடியை முன் நிறுத்தி பீகாரின் நிலப்பிரபுத்துவ சாதி ஆதிக்க சக்திகள் ‘ஓங்கார்’ பேரணி நடத்த உள்ளன. மேற்கு வங்கம், உத்தரபிரதேசம், ஜார்கண்ட் மாநிலங்களிலிருந்து எல்லாம் வருவதற்கு கட்டணம் கட்டி, ரயில்கள், பேருந்துகள், படகுகள் முன் பதிவு செய்துள்ளனர்.

நாம் அக்டோபர் 30 அன்று ‘கபர்தார்’ (எச்சரிக்கை) பேரணி நடத்த உள்ளோம். இப்போதுள்ள 3000 கிளைகளும், ஒரு கிளைக்கு 50 பேருக்கு குறையாமல் அணி திரட்ட முடிவு செய்துள்ளோம்,

கட்சிக் கிளைக்கு அவசியமான பத்து அம்சங்களை ஆவணத்தின் 33ஆவது பத்தி பின்வருமாறு சொல்கிறது.

33ஆவது பத்தி

ஒரு செயலூக்கமான, துடிப்பான கிளைக்கு அவசியமானவை:

1) மாவட்டக் கமிட்டி உறுப்பினர்/ஒன்றியக் கமிட்டி உறுப்பினர்/உள்ளூர் கமிட்டி ஒரு கிளையை (கிளைகளை) உருவாக்க, கண்காணிக்க, பொறுப்பாக்கப்படுவது; பதில் சொல்லக் கடமைப்பட்டவராக்கப் படுவது;

2) ஒவ்வொரு கிளையிலும் 3ல் இருந்து 5 உறுப்பினர்கள் வரையிலான ஒரு தலைமைக் குழு உருவாக்கப்படுவது;

3) 15 நாட்களுக்கு ஒருமுறை கிளைக்கூட்டங்களை நடத்துவது,கட்சிப் பத்திரிக்கைகள்,பிரசுரங்கள், சுற்றறிக்கைகள் இன்னபிறவற்றை கூட்டாகப் படிப்பது;

4) பொது மக்களின் வாழ்வு, வாழ்நிலையோடு தொடர்புடைய சமூக, அரசியல், பொருளாதார, பண்பாட்டுப் பிரச்சனைகளைப் பற்றி விவாதிக்க, கிராம/குடியிருப்பு  மட்டத்திலான மாதக் கூட்டங்களை நடத்துவதன் மூலம், மக்களுடன் நெருக்கமான பிணைப்புகளை பராமரிப்பது;

 5) தேர்தல் சமயத்தில், வாக்காளர் பட்டியல் திருத்தப்படுவதை கண்காணிப்ப லிருந்து துவங்கி வாக்குச் சாவடி வேலை வரையிலான தொடர்ச்சியான தேர்தல் தயாரிப்பு வேலையை எடுத்துக் கொள்வது;

6) உள்ளூர்மட்ட கிளர்ச்சியானாலும் அல்லது ஒன்றிய, மாவட்ட, மாநில, தேசிய அளவிலான அரசியல் நிகழ்ச்சிகளானாலும், கிளைகள் தங்கள் பகுதியிலிருந்து மக்களை அணி திரட்டுவதற்கு அக்கறை செலுத்துவது.

 7) ஒன்றிய/மாவட்ட மட்டத்திலான கிளைச் செயலாளர்/தலைமைக் குழுக்கள் மூன்று மாதங்களுக்கு ஒரு முறை கூடுவது;

8) குறைந்த பட்சம் இரண்டு கட்சிப் பத்திரிகை பிரதிகளுக்கு சந்தா சேர்ப்பது

9) கட்சிக்கிளை உறுப்பினர்களைப் புதுப்பிப்பது, புதிய பரிட்சார்த்த உறுப்பினர்களை சேர்ப்பது, ஆகியவற்றை உறுதிப்படுத்துவது;

10) கட்சி உறுப்பினர்களிடமிருந்து மாத/காலாண்டு லெவியை வசூலிக்க, மக்களிடமிருந்து பருவகால தானிய வசூல் மேற்கொள்வதைக் கட்டமைக்க, கிளைகள் முன்முயற்சி எடுப்பது ஆகிய இவை அனைத்தும் அவசியம்.

ஆவணம், மக்களுடன் தொடர்ச்சியான தொடர்புகளைப் பராமரிக்க, கட்சிக் கிளைகள் அல்லது வெகுமக்கள் வர்க்க அமைப்புகளின் உள்ளூர்மட்ட அமைப்புகளை வழி நடத்துவ தற்குத் தகுதி வாய்ந்த, உள்ளூர் அரசியலில் தலையிடவும் பரந்த இயக்கங்களில் பங்கேற்கவும் மக்கள் திரளை அணிதிரட்டுகிற செயலூக்கம் உடையவர்களாக உள்ளூர் கமிட்டி உறுப்பினர்கள் இருக்க வேண்டும் என்கிறது.

கிளைகள் உள்ளூர் கமிட்டிகள் பற்றி எல்லாம் பேசுகின்ற ஆவணம் உறுப்பினர்கள் செயல்பாட்டின் முக்கியத்துவம் பற்றியும் சொல்கிறது. “தற்போதுள்ள கேந்திரமான பிரச்சனை, கட்சி நடவடிக்கைகளில் உறுப்பினர்களின் தொடர்ச்சியான செயல்பாட்டை உறுதிப் படுத்துவதே ஆகும்.

மக்களுடன் நெருங்கிய பிணைப்புக்களை உறுதிப்படுத்துவது, செயல் துடிப்பான கிளைகள், கட்சிப் பத்திரிகைகளின் அதிகரித்த விநியோகம், குறித்த காலத்திலான லெவி வசூல் போன்ற பலவற்றுக்கும், இதுதான் திறவுகோல்.”
ஆவணம் கட்சி உறுப்பினர்கள் எப்படி இருக்க வேண்டும் எனச் சொல்கிறது.

 “கம்யூனிஸ்ட் கட்சி உறுப்பினர்களின் பாத்திரம், வர்க்க உணர்வு, கட்டமைக்கப்பட்ட செயல்துடிப்பு என்ற இரண்டு வகையிலும் சாதாரண மக்களைக் காட்டிலும் கண்டிப்பாக வித்தியாசப்பட்டிருக்க வேண்டும் என்பது சொல்லாமலே விளங்கும்.”

உறுப்பினர்கள், கிளைகள், உள்ளூர் கமிட்டி உறுப்பினர்கள் எப்படி இருக்க வேண்டும் என்றெல்லாம் வலியுறுத்தும்போது, மாவட்டக் கமிட்டி உறுப்பினர்கள், மாநிலக் கமிட்டி உறுப்பினர்கள், மத்தியக் கமிட்டி உறுப்பினர்கள் பங்கு ஆக மேலானதாக இருந்தாக வேண்டும்.

அமைப்பு விவகாரங்களில் தன்னெழுச்சிக்கும் துண்டு துக்காணி கத்துக் குட்டித்தனத்திற்கும் விடை கொடுக்க ஆவணம் முன்வைக்கும் பல நடவடிக்கைகளில், இரு நடவடிக்கைகளுக்கு குறிப்பான முக்கியத்துவம் உண்டு.

ஆண்டில் நான்கு முறை கிளைச் செயலாளர்கள், தலைமைக்குழு உறுப்பினர்கள் கூட்டத்தை மாவட்ட/ஒன்றிய அளவில் மாவட்டக் கமிட்டிகள் ஏற்பாடு செய்ய வேண்டும். அதே போல், ஆண்டில் இருமுறை, மாநில செயலாளர்களும் மாநில அமைப்புத் துறைகளும், அமைப்பு நிலவரம் பற்றி ஆழமாகப் படிக்க, மாவட்டச் செயலாளர்கள் கூட்டத்தை கூட்ட வேண்டும்.

கடைசியாக ஒரு விசயம். அமைப்பு முக்கியமான ஓர் ஆயுதம். அதற்குத் தனிக் கவனம் தேவை. மாலெ கட்சி நிறுவன பொதுச் செயலாளர் தோழர் சாரு மஜøம்தார் “மக்கள் நலனே கட்சியின் நலன்” என்கிறார். இந்திய மக்கள் விடுதலைக்காக, நாம் வலுவாகவும் விரிவாகவும் கட்சி கட்ட வேண்டும். அமைப்பை உறுதிப்படுத்த வேண்டும். இந்த நோக்குநிலையிலிருந்து 9ஆவது காங்கிரசின் 48ஆவது பத்தியை நினைவுபடுத்திக் கொள்வோம். 
          
“நாடெங்கிலும், ஜனநாயகம், நீதி, சமூக மாற்றத்திற்கான மக்கள் போராட்டங்களின் எழுச்சி நிலவுகிறது. நமது அனைத்து சக்தியையும் நம்மால் ஒருமுகப்படுத்த முடிந்தால், முன் முயற்சியைக் கைப்பற்றினால், இடதுசாரி முகாமுக்குள் உள்ள சம நிலையை நாம் நிச்சயம் மாற்ற முடியும். போராடும் இடது, முற்போக்கு ஜனநாயக சக்திகளின் பரந்த பிரிவினர் அணிதிர ளும் மய்யமாக உருவெடுக்க முடியும். இந்த சாத்தியப்பாட்டை அடைய, நமது புரட்சிகர ஆற்றல் மற்றும் உணர்வை ஒன்று திரட்டி, நமது ஆதாரங்கள் அனைத்தையும் ஆகச்சிறந்த விதத்தில் பயன்படுத்த, கட்சி மற்றும் அதனுடன் இணைந்து செயல்படும் வெகுமக்கள் அமைப்புகளின் அமைப்பு வலைப்பின்னல், அதற்கான பொறியமைவாக இருக்கும். நாம் அமைப்பை முறைப்படுத்துவோம்.

அனைத்து கட்சிக் கமிட்டிகளையும் அவற்றின் முழுமையான செயல்பாட்டிற்கு கொண்டு வருவோம். ஒவ்வொரு கட்சிக் கட்டமைப்பின் செயலாற்றலையும் முன்னேற்றுவோம். செயல்துடிப்பான கிளைகள் மற்றும் உயிரோட்டமான உள்ளூர் கமிட்டிகளின் வலைப்பின்னலில் ஒட்டுமொத்த உறுப்பினர்களையும் அமைப்பாக்குவோம். ஒரு வலுவான அய்க்கியப்பட்ட கட்சி மூலம் மட்டுமே மக்களின் வளர்ந்துவரும் எழுச்சியின் மீது திறன் வாய்ந்த தலைமையளிக்க முடியும்.

கட்சியை அதன் அடுத்த கட்ட முன்னேற்றத்திற்கு எடுத்துச் செல்ல கத்துக்குட்டித்தனத்துக்கும் தற்காலிகவாதத்துக்கும் விடை கொடுப்போம்; கட்சி முழுவதும் ஆழமான, கடினமான புரட்சிகர வேலை நடையை பரவச் செய்வோம்”.                     

புதிய அடிப்படையில் திருபெரும்புதூர் வேலைகள்

•    ஆகஸ்ட் 9 அன்று “கொள்ளையர்களை விரட்டுவோம்” கருத்தரங்கம் நடத்த திட்ட மிடப்பட்டது. புரட்சிகர இளைஞர் கழக அலுவலகத்தில் வெவ்வேறு தொழிற் சாலைத் தோழர்கள் வாராவாரம் கூடி, ஓர் ஆய்வு நடத்த முடிவு செய்தனர். 400 பேர் மத்தியில் நடந்த ஆய்வு, இளம் உழைப்பு சுரண்டல் மீது வெளிச்சம் போட்டுக் காட்டியது. ஆய்வு முடிவுகள் கருத்தரங்கில் வெளியிடப்பட்டன.

•    ஆகஸ்ட் 11 ஏசியன் பெயிண்ட்ஸ் தொழிலாளர்கள் சிஅய்டியு இணைப்பிலிருந்து வெளியேறி ஏஅய்சிசிடியுவிற்கு வந்தனர். வேலை நிறுத்த அறிவிப்பு தந்து, தீவிரமான போராட்டத் தயாரிப்புக்கள் மேற்கொண்டு, 75க்கும் மேலான ஒழுங்கு நடவடிக்கைகளை தற்காலிகமாக நிறுத்தி வைத்தனர்.

•    ஆகஸ்ட் 9 கருத்தரங்கில், டென்னெகோ, ஏசியன் பெயிண்ட்ஸ், சிஅண்ட்எஃப், சிஅண்ட்எச், ஹ÷ண்டாய் சேர்ந்த 70 இளம் தொழிலாளர்கள் கலந்து கொண்டனர்.

•    கருத்தரங்கம் தந்த உற்சாகத்தில் நம்பிக்கையில், சிஅண்ட்எஃப் தொழிலாளர்கள் புரட்சிகர இளைஞர் கழக வழிகாட்டுதலுடன் ஒரு நாள் உள்ளிருப்பு வேலை நிறுத்தம் செய்தனர். பயிற்சியாளர் நிரந்தரம், ஒப்பந்தத் தொழிலாளர் ஊதிய உயர்வு என்ற கோரிக்கை களை நிரந்தரத் தொழிலாளர்கள் எழுப்பி, ஒப்பந்தத் தொழிலாளர் நாள் கூலியில் ரூ.33 உயர்வு பெற்றனர்.

•    24.08.2013 அன்று திருபெரும்புதூரில் ஏஅய்சிசிடியு சங்கக் கொடி ஏசியன் பெயிண்ட்சில் ஏற்றப்பட்டது.

•    ஏசியன் பெயிண்ட்சின் தோழர் ராஜேஷ், தோழர் செந்தில், தோழர் ராஜகுரு, தோழர்கள் பாரதி, பழனிவேல் மற்றும் சில முன்னணிகள் கூடி, செப்டம்பர் 27 பகத்சிங் பிறந்த நாளை உறுதி ஏற்பு நாளாக அனுசரிக்க முடிவு செய்தனர்.

•    தொழிற்சங்க அங்கீகாரச் சட்டத் திருத்தம், பயிற்சியாளர் நலன் காக்கும் திருத்த மசோதா 47/2008 நிறைவேற்றுதல், குறைந்த பட்சக் கூலி மாதம் ரூ.15000, சம வேலைக்குச் சம ஊதியம், ஒப்பந்த முறை ஒழிப்பு  ஆகியவற்றுக்காகப் போராட உறுதியேற்பு நிகழ்ச்சி என முடிவானது.

•    டென்னெகோ, மியுன்வா, சிஅண்ட்எஃப், பிரைட் ஆட்டோபிளாஸ்ட் தோழர்கள் மற்றும் ஏசியன் பெயிண்ட்சின் ஒரு சிறிய பட்டாளமே செப்டம்பர் 2 முதலே வேலைகளை முடுக்கி விட்டனர்.

•    டுவான் ஆட்டோமோட்டிவ், சிஅண்ட் எஃப் ஆட்டோமோட்டிவ், சிகோ கோமோஸ், இந்துஜா பவுண்டரீஸ், சான்மினா, ஃபாக்ஸ் கான், நோக்கியா, கபாரோ, ஜே.கே பென்னர், என்விஎச், ஹ÷ண்டாய், ஹீவாசின், ஜி ஸ்டாம் பிங் ஹைடெக், சாரதா மோட்டார்ஸ், பிரைட் ஆட்டோபிளாஸ்ட், சாம்சங் உள்ளிட்ட பல ஆலைத் தொழிலாளர்களிடம் செப்டம்பர் 27 பேரணி பிரசுரம் தரப்பட்டு கலந்து கொள்ள அழைப்பு விடுக்கப்பட்டது.

•    இடையில் யுபி டெக்சில் ஒரு தொழிலாளிக்கு நேர்ந்த விபத்து, ஒரகடம் சிப்காட்டின் டுவான் ஆட்டோமோட்டிவ்  ஒப்பந்தத் தொழிலாளர் போராட்டம், தலித் மாணவர்கள் உயர்கல்வித் தொகையை அரசாணை 92படி வழங்கக் கோரி சென்னையில் நடைபெற்ற போராட்டம் போன்றவற்றிலும் பகுதி முன்னணிகள் தலையீடு செய்தனர்; பங்களித்தனர்.

•    சாம்சங், சிஅண்ட்எஃப், ஆலை வாயில்களில் பிரசுரம் வழங்க, மனித வளத்துறையினர் எதிர்ப்புத் தெரிவித்தனர். தோழர்கள் அதனைப் பொருட்படுத்தவில்லை.

•    பகுதி பொது மக்களிடமும் நிதி வசூல், பிரசுரம் வழங்குதல் திட்டமிடப்பட்டு நடந்தது. ஷிப்ட் முடிந்து, நள்ளிரவு வரையிலும், விடிய விடியவும் சுவரொட்டி ஒட்டுதல், பதாகைகள் நிறுவுதல், பிரச்சார அட்டைகள் தயாரித்தல் என பணிகள் நடைபெற்றன.

•    செப்டம்பர் 27 வந்தது. பகத்சிங்கின் வாரிசுகள், 300 பேர் கலந்து கொண்ட வண்ண மயமான பேரணியை இடி ஓசை முழக்கங்களுடன் நடத்தினர்.

காஞ்சிபுரம் மாவட்ட இகக(மாலெ) செயலர் தோழர் இரணியப்பன் பேரணியைத் துவக்கி வைக்க, புரட்சிகர இளைஞர் கழகத்தின் கடலூர் தோழர் தன வேல், தஞ்சை தோழர் ஆனந்த், திருவள்ளூர் தோழர் அன்பு முன்னிலை வகிக்க, திருபெரும்புதூரின் கவனத்தை ஈர்க்கும் விதம் பேரணி எழுச்சி நடை போட்டது.

•    பேரணியைக் கண்ட, பகத்சிங் படத்தைப் பார்த்த பஞ்சாபிய இளைஞர்கள் இருவர் கூட்டத்தில் மேடையேறி மொழிகள் தாண்டி முழக்கங்களில் இணைந்தனர்.

•    எழுச்சி முழக்கமிடுதல், இறுதி வரை கொடி பிடித்து நிற்றல், படை வரிசையாய் செயல்படுதலில், ஏசியன் பெயிண்ட்ஸ் இளைஞர்கள் முன்னணிப் பங்காற்றினர். செங்கொடி பிடிக்க, சமூகத்தை மாற்ற இளைஞர் படை தயாராவதற்கு, செப்டம்பர் 27 நிகழ்ச்சி கட்டியம் கூறியது.
  
•    மேடையில் ஏசியன் பெயிண்ட்ஸ் குணசேகர் முதலாளித்துவத்தை வேரறுக்க கவிதை படித்தார். அகில இந்திய மாணவர் கழக தோழர் சீதா தம் உரை மூலம் ஊராரைக் கூட்டி நிற்க வைத்து கேட்க வைத்தார். தோழர்கள் ராஜேஷ், பழனிவேல், குமாரசாமி உறுதியேற்பு செய்தி சொன்னார்கள். தோழர் பாரதி பகத்சிங் இளம் அரசியல் தொண்டர்களுக்கு எழுதிய கடிதத்தின் சில பகுதிகளை (தீப்பொறியில் பிரசுரமானது) படித்துக் காட்டி கவனம் ஈர்த்தார். தோழர் ராஜகுரு தலைமை தாங்கினார்.

•    புதிய அலை அடிக்கத் துவங்கி உள்ளது. புதுக் காற்று வீசத் துவங்கி உள்ளது.

•    செப்டம்பர் 27க்குப் பிறகு புரட்சிகர இளைஞர் கழக தோழர்கள் இந்துஜா பவுண் டரியில் தொழிலாளர்களின் போராட்டத்தில் பங்கேற்று ஒருமைப்பாடு தெரிவித்தனர்.

•    ஒருவருக்காக அனைவரும், அனைவருக்காக ஒவ்வொருவரும் என்ற பாட்டாளி வர்க்க உணர்வும் கலாச்சாரமும் வேரூன்றும் நம்பிக்கை தெரிகிறது.

•    அக்டோபர் 2 அன்று 130 பேர் வரை கலந்துகொண்ட தொழிலாளர் வர்க்க இயக்கம்: சவால்களும் கடமைகளும் கல்வி வகுப்பு நடைபெற்றது.

•    புதிய அடிப்படைகளில் வேலை துவங்கி விட்டது. பகத்சிங், புரட்சிகரப் போராட்டங் கள் அவனோடு துவங்கவுமில்லை, அவனோடு முடியப்போவதும் இல்லை என்றான். திருபெரும்புதூரின் இளம் தோழர்கள் பகத்சிங்கின் கனவை நெஞ்சில் ஏந்தி உள்ளனர்.

•    குருட்சேத்திரத்தில் பாண்டவர் கவுரவர் போர் நடந்ததாக புராணக் கதைகள் சொல்கின்றன. கவிஞன் கெட்ட போரிடும் உலகினை வேரோடு சாய்க்க வேண்டும் என்றான். கம்யூனிஸ்ட்டுகள் எல்லா அநீதியான போர்களுக்கும் முடிவுகட்ட வர்க்கப் போரைத் தீவிரப்படுத்தச் சொல்கிறார்கள்.

•    உலக முதலாளித்துவம் இந்திய முதலாளித்துவம் போல் திருபெரும்புதூர் முதலாளித்துவம் இறுதி ஆராய்ச்சியில் பலவீனமானது. ஏனெனில், அவர்களிடம் பண பலம் அதிகார பலம் அடியாள் பலம் இருந்தாலும், நிச்சயம் நியாயம் மட்டும் இல்லை.

•    கூலி உழைப்பிற்கும் மூலதனத்திற்கும் இடையிலான தீராத பகைமை, முதலாளித் துவத்தை ஒழித்துக்கட்டுவதன் மூலம்தான் ஓயும். இறுதிப் போரில் வெற்றி ஒரு நாள் இல்லை ஒரு நாள், மக்கள் பெரும்பான்மைக்குக் கிடைக்கும். அதுவரை பல சண்டைகளில் தோற்கலாம், வெற்றி பெறலாம். ஆனால் போராட்டப் பாதை மட்டும் எப்படியும் தொடரும்.

•    மூலதனம் குவிந்துள்ள திருபெரும்புதூரில் பணியாற்றும் பாட்டாளிகள் மத்தியில் இருந்தே, ஒரு பெரிய போர்ப்படையினரும் தளபதிகளும் வருவார்கள்.

நவதாராளவாதக் கொள்கைகளுக்கு எதிராக

உழைப்பவர் எவரானாலும் குறைந்தபட்ச சம்பளம் ரூ.15,000 வழங்கு!

நிரந்தரத் தன்மை கொண்ட பணிகளில் வேலை செய்யும்
ஒப்பந்தத் தொழிலாளர்களை நிரந்தரப்படுத்து!

போனஸ் மற்றும் பணிக்கொடை உச்சவரம்பை நீக்கு!

டெல்லியில் நடந்த அனைத்து மய்ய தொழிற்சங்க கருத்தரங்கில் நிறைவேற்றப்பட்ட 10 அம்ச கோரிக்கைகள் மீது செப்டம்பர் 25 அன்று நடத்தப்பட்ட அனைத்து மய்ய தொழிற்சங்க ஆர்ப்பாட்டங்களில் ஏஅய்சிசிடியு பங்கேற்றது.

கோவையில் ஏஅய்சிசிடியு பெரும் சக்தியாக கலந்து கொண்ட 2,000 பேர் அணி திரண்ட அனைத்து தொழிற்சங்க ஆர்ப்பாட்டம் நடைபெற்றது.

ஏஅய்சிசிடியுவுடன் இணைக்கப்பட்ட பிரிக்கால், சாந்தி கியர்ஸ் மற்றும் நுகர்பொருள் வாணிபக் கழக தொழிற்சங்க தொழிலாளர்கள் 350க்கும் மேற்பட்டோர் கலந்து கொண்டனர். மாநிலத் தலைவர் தோழர் என்.கே.நடராஜன், உரையாற்றினார்.

சென்னையில் செப்டம்பர் 25 அன்று ஏஅய்சிசிடியு, சிஅய்டியு, ஏஅய்டியுசி, எல்பிஎஃப், எச்எம்எஸ், பிஎம்எஸ், ஏஅய்யுடியுசி மற்றும் அய்என்டியுசி ஆகிய தொழிற்சங்க தொழிலாளர்கள் 5000க்கும் மேற்பட்டோர் கலந்து கொண்டனர். ஏஅய்சிசிடியு மாநிலத் துணைப் பொதுச் செயலாளர் தோழர் எ.எஸ்.குமார் உரையாற்றினார்.

சேலத்தில் அனைத்து மய்ய தொழிற்சங்கங்களையும் சேர்ந்த 1500 பேர் கலந்து கொண்ட ஆர்ப்பாட்டம் நடைபெற்றது. ஏஅய்சிசிடியு சார்பில்  கரூரிலிருந்து மின்வாரிய ஊழியர்களுடன் கட்டுமானம், கிராமப்புற அமைப்புசாரா தொழிலாளர்கள் என நூற்றுக் கணக்கானோர் பங்கேற்றனர். மாநிலத் துணைத் தலைவர் தோழர் சந்திரமோகன் உரையாற்றினார்.

திருச்சியில் பல்வேறு மய்ய தொழிற்சங்கங்களின் தொழிலாளர்கள் ஆயிரக்கணக்கானோர் கலந்து கொண்டனர். தஞ்சாவூரிலிருந்து வந்திருந்த தமிழ்நாடு ஜனநாயக கட்டுமானத் தொழிலாளர்களுடன், விராலிமலை சன்மார் மற்றும் ரானே தொழிலாளர்களும் கலந்து கொண்டனர். மாநிலச் செயலாளர் தோழர் தேசிகன் உரையாற்றினார்.

திருநெல்வேலியில் நடந்த ஆர்ப்பாட்டத்துக்கு தலைமைக் குழுவிலிருந்து ஏஅய்சிசிடியு மாநிலத் துணைத் தலைவர் தோழர் ரமேஷ்  உரையாற்றினார். மாநிலப் பொதுச் செயலாளர்  தோழர் சங்கரபாண்டியன் ஆர்ப்பாட்டத்தில் கலந்து கொண்டார்.

நிலம் கையகப்படுத்துதல் சட்டம் 2013: நிலப்பறிக்கு மறுவாழ்வு - திபங்கர் பட்டாச்சார்யா

சமீபத்தில் நிறைவுற்ற நாடாளுமன்ற பருவகால கூட்டத் தொடர், காங்கிரஸ் மற்றும் பாஜகவுக்கு இடையிலான சச்சரவை மட்டுமின்றி, இன்னும் கூடுதல் சதித்தன்மையுடன், உணவுப் பாதுகாப்பு, நிலம் கையகப்படுத்துதல், ஓய்வூதிய நிதியை அந்நிய முதலீட்டுக்குத் திறந்துவிடுவது போன்ற முக்கியமான தொடர் சட்டங்களை நிறைவேற்ற அரசாங்கத்துக்கு உதவும் விதத்தில், அதிகப்படியான ரகசியமான ஒத்துழைப்பையும் கண்டது. புதிதாக நிறை வேற்றப்பட்டுள்ள நிலம் கையகப்படுத்துதல் சட்டத்தின் முக்கிய சரத்துக்கள் மற்றும் அவை உருவாக்கக்கூடிய விளைவுகள் பற்றி நெருக்க மாகக் காணலாம்.

ஷேக்ஸ்பியரின் பிரபலமான துன்பியல் கதையான ‘ரோமியோ ஜ÷லியட்டில்’, ‘பெயரில் என்ன இருக்கிறது? ரோஜாவை வேறெந்த பெயர் கொண்ட அழைத்தாலும் அதன் வாசம் இனிக்கும்’ என்று ஜ÷லியட் சொல்வார். ஷேக்ஸ்பியரின் வார்த்தைகளை சற்று மாற்றிச் சொன்னால், நிலம் கையகப்படுத்துதல் எந்தப் பெயரில் செய்யப்பட்டாலும் எந்த முறையில் செய்யப்பட்டாலும் நிலம் கையகப்படுத்துதலின் யதார்த்தம் கடுமையானதாகத்தான் இருக்கும்.

ஆயினும் கார்ப்பரேட் நிலப்பறியை நிர்வகிப்பவர்கள் பெயரில் பெரிதாக ஏதோ இருப்பதாக நினைக்கிறார்கள்; அதனால், அவப்புகழ் பெற்ற நிலம் கையகப்படுத்துதல் சட்டம் 1894அய் ரத்து செய்வது என்ற பெயரில், வெளிப்படைத் தன்மை மற்றும் இழப்பீடு மற்றும் மறுவாழ்வு மற்றும் மறுகுடியமர்வு போன்ற சொற்களுக்கிடையில் நிலம் கையகப்படுத்துதலின் யதார்த்தத்தை மறைக்க முயற்சிக்கும் கவர்ச்சிகரமான நீளமான பெயர் வைத்து, சாரத்தில், அதை புத்துயிர் பெறச் செய்திருக்கிறார்கள்.

‘நியாயமான இழப்பீடு பெறும் உரிமை மற்றும் நிலம் கையகப்படுத்துதல், மறுவாழ்வு, மறுகுடியேற்றத்தில் வெளிப்படைத் தன்மை’ என்ற அதன் புதிய பெயர் ராகுலின் அறிவலை என்று ஜெய்ராம் ரமேஷ் சொல்கிறார். செப்டம்பர் 11க்கு பிறகு புஷ் நிர்வாகம் கொடூரமான பேட்ரியாட் சட்டம் இயற்றியதை ராகுல் காந்தி இந்தப் பின்னணியில் சுட்டிக் காட்டியதாகவும் அவர் சொன்னார்.

மனித உரிமைகள் மற்றும் தனிநபர் சுதந்திரத்தில் தலையீடு செய்த அய்க்கிய அமெரிக்கா, அய்க்கிய அமெரிக்க மக்களின் சுதந்திரத்தை காலில் போட்டு மிதிக்க பேட்ரியாட் என்ற சுருக்கமான பெயரை உருவாக்கியது போலவே, கையகப்படுத்துதலும், இழப்பீடு, மறுவாழ்வு மற்றும் மறுகுடியமர்வு என்று காட்டப்பட வேண்டும் என்று ராகுல் ஆலோசனை சொன்னார். பாஜக தலைவர் ராஜ்நாத் சிங், நாடாளுமன்றத்தில், உண்மையில் இந்தப் பெயரை பாராட்டினார்; சுஷ்மா ஸ்வராஜ் மேசையைத் தட்டி அமைச்சருக்கு நன்றி சொன்னார்!

புதிய சட்டம் கையகப்படுத்துதலுக்கு பல்வேறு நிபந்தனைகள் முன்வைக்கிறது. ஆனால், இழப்பீட்டுக்கோ, மறுகுடியமர்வுக்கோ எந்த திறன்மிக்க சரத்தும் இல்லாமல், விவசாய நிலம் துரிதமான தடைகளற்ற விதத்தில் கைமாறுவதற்கான களத்தை, திறன்மிக்க விதத்தில் திறந்து விட்டுள்ளது. எப்படி என்று பார்க்கலாம்.

சாரத்தில், சட்டம், நிலம் கையகப்படுத்துதலுக்கு அரசு பொதுவாக என்ன முறைகள் கையாள வேண்டும் என்பது பற்றியது. விதிவிலக்குகள் ‘நன்கு புலப்படுத்தக்கூடிய கடைசி புகலிடமாக’ அனுமதிக்கப்படுகின்றன. ‘தனிப்பட்ட பேச்சுவார்த்தைகள் மூலம் தனிப்பட்ட விதத்தில் நிலம் வாங்குவது’ முற்றிலும் இந்தச் மொத்த சட்டத்துக்கும் அப்பாற்பட்டது. 2011 நகலுக்கு மாறாக, இறுதி வடிவம், அது போன்ற தனிப்பட்ட பேச்சுவார்த்தைகள் மூலம் தனிப் பட்ட விதத்தில் நிலம் வாங்குவதற்கு எந்த வரம்பையும் குறிப்பாகச் சொல்லவில்லை. (என்னவாவது செய்து கார்ப்பரேட் நிலப்பறி செய்வது என்று இதைப் படிக்கவும்). அது ‘பொருத்தமான அரசாங்கத்தின்’ விருப்பத்துக்கு விடப்படுகிறது.

அரசு நிலம் கையகப்படுத்துதல் ‘பொது நோக்கம்’ என்ற பெயரில் சட்டபூர்வமாக்கப் படுகிறது. விவசாயம் தவிர வேறெந்த பயன்பாட்டையும் உள்ளடக்கி, பொது நோக்கம் பற்றிய மிகவும் நெளிவுசுளிவான வரையறையை புதிய சட்டம் உருவாக்கியுள்ளது. ‘கப்பல் படை, ராணுவம், விமானப் படை மற்றும் மத்திய துணை ராணுவப் படைகள் அல்லது,  தேசப் பாதுகாப்பு அல்லது நாட்டின் பாதுகாப்புத்துறை அல்லது மாநில காவல்துறைகள் அல்லது மக்கள் பாதுகாப்பு என எந்த அத்தியாவசியமான வேலை உள்ளிட்ட மத்திய அரசின் ஆயுதப்படைகள் தொடர்பான நோக்கங்கள்’ என, போர்த்தந்திர நோக்கம் இருப்பதாகச் அறிவிக்கப்படுகிற எதுவும் பொது நோக்கம் என்று குறிப்பிடப்படுகிறது.

அனைத்துவிதமான உள்கட்டுமான திட்டங்கள், தொழில் தாழ்வாரங்கள் அல்லது சுரங்க நடவடிக்கைகள் மற்றும் தேசிய உற்பத்தி கொள்கையில் அறிவிக்கப்படுகிற முதலீட்டு அல்லது உற்பத்தி மண்டலங்கள், விளையாட்டு, மருத்துவம் மற்றும் சுற்றுலா திட்டங்கள் ஆகியவையும் ‘பொது நோக்கம்’ என்ற வரையறைக்குள் வருகின்றன. தனியார் மருத்துவமனைகள், தனியார் கல்வி நிறுவனங்கள், தனியார் விடுதிகள் சட்டத்திலிருந்து விலக்கி வைக்கப்படுகின்றன; ஆனால், ‘பொது நோக்கம்’ என்று வரையறுக் கப்பட்ட எந்தச் செயல்பாட்டிலும் அரசாங்கத்திடமோ, தனியாரிடமோ நில பாத்தியதை தொடர்ந்து இருந்துவிடக் கூடிய அரசு - தனியார் கூட்டுத் திட்டங்கள் சட்டத்தின் கீழ் வருகின்றன. வேறு வார்த்தைகளில் சொல்வதானால், தனியார் லாபம் தேடுவதும் ‘பொது நோக்கம்’ என்று புனிதப்படுத்தப்படுகிறது.


1894 நிலம் கையகப்படுத்துதல் சட்டத்தில் உள்ள முக்கிய குறைபாடு நிலத்தை கட்டா யமாக கையகப்படுத்துதல் தொடர்பானது. இதில் பாதிக்கப்பட்ட மக்களுக்கு கேள்வி கேட்க இடம் இல்லை. இந்தப் பிரச்சனைக்கு பதில் சொல்லியிருப்பதாக அரசாங்கம் சொல்கிறது. புதிய சட்டத்தின் படி, அரசு - தனியார் கூட்டுத் திட்டங்களுக்கு நிலம் கையகப்படுத்தப்பட்டால் 70% முன்ஒப்புதலும் தனியார் நிறுவனத்துக்கு கையகப்படுத்தப்பட்டால் 80% முன்ஒப்புதலும் அரசு பெற வேண்டும். ஆனால் அரசின் பயன்பாட்டுக்காகவோ பொதுத்துறை நிறுவனங்களுக்கோ நிலம் கையகப்படுத்தப்பட்டால் முன்ஒப்புதல் தேவையில்லை. உண்மையில், ‘ஒப்புதல்’ என்ற சொல், மற்றபடி விரிவாக இருக்கிற இந்தச் சட்டத்தின் பெயரில் இல்லை என்பது பளிச்சென தெரிகிறது.

பாதிக்கப்படும் மக்களின் ஒப்புதலை பெறுவதற்கு பதிலாக, சம்பந்தப்பட்ட உள்ளாட்சி அமைப்புக்களுடன் கலந்தாலோசிப்பது, சமூக தாக்க மதிப்பீட்டு ஆய்வு செய்வது, அதை நிபுணர் குழு கொண்டு மதிப்பிடுவது என்பவை பற்றி சட்டம் பேசுகிறது. ஆனால், அந்த நிபுணர் குழுவின் பரிந்துரைகள் கட்டாயமானவை அல்ல; எந்த அரசாங்கமும், ‘காரணங்கள்’ எழுத்துபூர்வமாக பதிவு செய்யப்பட்டால், அவற்றை மீறலாம். மேலும், போர்த்தந்திர நோக்கம் தொடர்பான ‘அவசர’ சரத்தை எந்த அரசாங்கமும் எந்த நேரமும் பயன்படுத்தினால், சமூக அல்லது சுற்றுச்சூழல் தாக்க மதிப்பீட்டு ஆய்வுக்கான அவசியம் இல்லை.

இழப்பீடு மற்றும் மறுவாழ்வு மற்றும் மறுகுடியமர்வு பற்றிய பிரச்சனைகள் அடுத்து வருகின்றன. இங்கும், ‘தனிப்பட்ட விதத்தில் பேசி தனிப்பட்ட விதத்தில் வாங்கப்பட்ட நிலம்’ பற்றி சட்டம் ஏதும் சொல்லவில்லை. ஒரு தனியார் நிறுவனம் தான் ஏற்கனவே வாங்கிய நிலத்துக்கு மேல் அரசும் நிலம் கையகப்படுத்தித் தர வேண்டும் என்று கேட்டால் அந்த தனியார் நிறுவனம் இழப்பீடு மற்றும் மறுவாழ்வு மற்றும் மறுகுடியமர்வு தொடர்பான சரத்துக்களை நிறைவேற்ற வேண்டும். நிலம் கையகப்படுத்துதல், சம்பந்தப்பட்ட நிலத்தின் சொந்தக்காரர்கள் தவிர மிகப் பெரும்பான்மையினரை பாதிக்கிறது என்று பரவலாக பார்க்க முடிகிறது.

புதிய சட்டம் ‘பாதிக்கப்பட்ட குடும்பங்கள்’ என்பதை வரையறுக்கும்போது, இந்த யதார்த்தத்தை அங்கீகரிக்கிறது; ஆனால், நிலமற்றவர்களை இழப்பீட்டின் எல்லைக்கு வெளியே நிறுத்துகிறது. வாழும் இடங்களில் இருந்து அகற்றப்படுபவர்களுக்கு மறுவாழ்வு, மறுகுடியமர்வு என்று கொஞ்சம் தரப்படுகிறது; ஆனால், நிலம் கையகப்படுத்துதலால் பாதிக்கப்படும் நிலமற்ற விவசாய தொழிலாளர்கள், சாகுபடியாளர்கள் மற்றும் வாழ்வாதாரத்துக்காக பலவிதமான வேலைகளும் செய்பவர்கள் என இவர்களுக்கு எதுவும் இல்லை.


நிலம் மற்றும் வாழ்வாதாரம் பாதிப்பு என்ற நேரடி பாதிப்புக்கு அப்பால், விவசாய நிலம் கையகப்படுத்தப்படுதல், நடந்ததோ இனி நடக்கவிருப்பதோ, உணவுப் பாதுகாப் பையும் மோசமாக பாதிக்கிறது. ‘உணவுப் பாதுகாப்பை உத்தரவாதப்படுத்த சிறப்புப் பிரிவு’ என்ற தலைப்பில் சட்டத்தில் ஒரு சிறிய பிரிவு உள்ளது. இது எந்த ஸ்தூலமான உத்தரவாதத்தையும் தரவில்லை. ‘ரயில்வே, நெடுஞ்சாலை, முக்கிய மாவட்ட சாலைகள், பாசன வழிகள், மின்கம்பிகள் போன்றவை’ தொடர்பான நேரடி இயல்பு கொண்ட திட்டங்களுக்கு இந்தப் பிரிவில் இருந்து விலக்கு அளிக்கப்படுகிறது.

அதிவிரைவுச் சாலைகள், தாழ்வாரங்கள் என்ற பெயரில் பெருமளவிலான விவசாய நிலம் திசை திருப்பி விடப்படுவதை சமீபத்திய உதாரணங்கள் தெளிவாகக் காட்டுகின்றன. இது போன்ற ‘நேர்க்கோட்டுப் பாதையிலான’   திட்டங்களுக்கு விவசாய நிலம் கையகப்படுத்தப்படுவது என்று மட்டும் இது சுருக்கப்படுவதில்லை. ‘பொது நோக்கத்தில்’ இருக்கிற எந்தத் திட்டத்துக்கும், வரம்பு ஏதும் இன்றி, நீர்பாசனம் செய்யப்பட்ட, பல போகம் விளைகிற நிலம் உள்ளிட்ட அனைத்துவிதமான விவசாய நிலமும் கையகப்படுத்தப்படுவதை சட்டம் அனுமதிக்கிறது. 2011 நகலில் சொல்லப்பட்டுள்ள வரம்பு, இப்போது சட்டத்தில் சொல்லப்படவில்லை. சம்பந்தப்பட்ட மாநில அரசாங்கங்கள் மற்றும் மாவட்ட நிர்வாகங்களின் முடிவுக்கும் விருப்பத்துக்கும் அது விடப்படுகிறது.

இறுதியாக, புதிய சட்டத்தின் பிரிவு 106 (1), இந்தச் சட்டத்தின் பிரிவுகள், நான்காவது அட்டவணையில் குறிப்பிடப்பட்டுள்ள நிலம் கையகப்படுத்துதல் தொடர்பான சட்டங்களுக்கு பொருந்தாது என்று சொல்லி மொத்த பிரச்சனையையும் கேலிக்குள்ளாக்குகிறது. நான்காவது அட்டவணையில் அது போன்ற 13 சட்டங்கள் உள்ளன. துவக்கத்தில் அரசாங்கம், புதிய சட்டத்தின் பிரிவுகளை பொருத்துவதில் இருந்து, சிறப்புப் பொருளாதார மண்டலச் சட்டம் 2005க்கும் விலக்கு அளிக்க விரும்பியது.  ஆனால், சிறப்புப் பொருளாதார மண்டலச் சட்டம் 2005க்கு எதிராக வளர்ந்து வருகிற வெகுமக்கள் சீற்றத்தின் முன், விலக்கு அளிக்கப்பட்ட சட்டங்களின் பட்டியல் கொண்ட நான்காவது அட்டவணையில் இருந்து சிறப்புப் பொருளாதார மண்டலச் சட்டத்தை அரசாங்கம் விலக்கி வைக்க நேர்ந்தது.

புதிய சட்டத்தை நிறைவேற்றும் முன்பு, ஊரக வளர்ச்சி அமைச்சகம் தேசிய நிலச்சீர் திருத்த கொள்கை ஆவண நகல் ஒன்றை வெளியிட்டது. நில உச்சவரம்பை பிற சீர்திருத்த நடவடிக்கைகளை அமலாக்குவதில் இந்திய அரசு தோற்றுவிட்டது என்று ஆவண நகல் ஒப்புக்கொள்கிறது. உச்சவரம்பு அளவை மறுபரிசீலனை செய்ய வேண்டும் என்றும் பாசன நிலத்தைப் பொறுத்தவரை அது 5 - 10 ஏக்கராக குறைக்கப்பட வேண்டும் என்றும் பாசனத்துக்கு உட்படாத நிலத்தைப் பொறுத்தவரை அது 10 - 15 ஏக்கராக குறைக்கப்பட வேண்டும் என்றும் சொல்கிறது.

கொள்கை நகல், ‘மத, கல்வி, அறக்கட்டளை, ஆய்வு, தொழில் நிறுவனங்கள் மற்றும் தோட்ட தொழில், மீன் வளர்ப்பு ஆகியவற்றுக்கு விலக்கு அளிக்கப்படுவதற்கு’ முடிவு கட்ட வேண்டும் என்றும் சொல்கிறது. இதில் எந்த ஒரு நிறுவனமும் 15 ஏக்கர் என்ற அலகு தாண்டி பயன்படுத்த அனுமதிக்கக் கூடாது என்றும் சொல்கிறது. சொந்த நிலங்களுக்கு விதிக்கப்படுகிற அதே உச்சவரம்பை, ‘பயன் பாட்டில் உள்ள’ நிலத்துக்கும் விதிக்க வேண்டும் என்றும், அப்படி விதிக்கப்பட்டால், எந்த தனிநபரோ அல்லது நிறுவனமோ, அவர்கள் சொந்தமாக வைத்துக் கொள்ளக்கூடிய நிலத்துக்கு மேல், குத்தகைக்கு நிலம் பெற்று, கூடுதலாக வைத்துக் கொள்ள முடியாது என்றும் சொல்கிறது. இதை சிறப்புப் பொருளாதார மண்டல சட்டத்துக்கும் புதிய நிலம் கையகப்படுத்துதல் சட்டத்தின் கீழ் பெருமளவில் நிலம் கையகப்படுத்தப்படுவதையும் விவசாய நிலம் திசைதிருப்பி விடப்படுவதையும் அனுமதிக்கும் பிரிவுகளுக்கு எதிராகவும் நிறுத்திப் பார்த்தால் அரசின் போலித்தனம் பட்டவர்த்தனமாகத் தெரியும்.

உணவுப் பாதுகாப்பு பற்றிய அதிகாரபூர்வ போலித்தனமும் பட்டவர்த்தனமாகத்தான் தெரிகிறது. நிலம் கையகப்படுத்துதல் சட்டத்தை நிறைவேற்றிய அதே நாடாளுமன்றக் கூட்டத் தொடர், உணவுப்  பாதுகாப்பு மசோதாவையும் நிறைவேற்றியது. மசோதாவில் சொல்லப் பட்டுள்ள அளவு (ஒருவருக்கு, ஒரு மாதத் துக்கு 5 கிலோ உணவு தானியம்), உள்ளடக்கம் (உணவு தானியம் மட்டும்தான்; பருப்பு வகைகள் இல்லை) மற்றும் அது சென்று சேரும் மக்கள் பிரிவு (கிராமப்புறங்கள் 75%, நகர்ப் புறங்களில் 50%) ஆகியவை போதுமானவை அல்ல.

ஆனால், வாக்குறுதி அளிக்கப்பட்டதையாவது உறுதி செய்ய வேண்டுமென்றால், நாடு உணவு உற்பத்தியை அதிகரிக்க வேண்டும்; சாகுபடி நிலப்பரப்பை அதிகரிக்க வேண்டும். இருப்பினும் உண்மையில், விவசாய நிலம் திறன்மிக்க விதத்தில் கிடைப்பது சீராக சரிவதற்கான வழியை அரசு வகுக்கிறது.  பிறகு, விளைச்சலை அதிகரிப்பது என்ற பெயரில் சந்தேகத்துக்குரிய ஆபத்தான மரபணு மாற்ற பயிர்களை விவசாயிகள் விளைவிக்க வேண்டும் இந்திய விவசாயத்தை அதிகரித்த அளவில் கார்ப்பரேட்மயமாக்க வேண்டும் என்று அரசு சொல்கிறது. இது உணவுப் பாதுகாப்பை வலுப்படுத்தாது; மாறாக, மேலும் தீவிரமான விவசாய நெருக்கடிக்கான வழிமுறையாக இது இருக்கும்.

1894 நிலம் கையகப்படுத்துதல் சட்டத்தின் காலனிய மரபு ரத்து செய்யப்படவில்லை. அது நீட்டிக்கப்பட்டுள்ளது. மறுஉறுதி செய்யப்பட்டுள்ளது. முதலில் சிறப்புப் பொருளாதார மண்டலச் சட்டம் 2005ன் மூலம். இப்போது நிலம் கையகப்படுத்துதல் சட்டம் 2013ன் மூலம். நாட்டை, அதன் விலைமதிப்பில்லா செல்வாதாரத்தை பாதுகாக்க விரும்பும் ஒவ்வொருவரும் பேரழிவுக்கான இந்த வழி முறையை நிராகரிக்க வேண்டும்; இந்தியாவின் விவசாய நிலங்களை பாதுகாக்க அனைத்து வழிகளிலும் போராட வேண்டும்.

அம்மா குடிநீர்: வரம் அல்ல; சாபம்

கொள்ளிடம் ஆற்றில் ஆழ்துளைக் கிணறுகள் அமைப்பதற்கு விவசாயிகள் எதிர்ப்பு. குடிநீர் கேட்டு திண்டுக்கல் ஆட்சியர் அலுவலகத்தை காலிக் குடங்களுடன் பெண்கள் முற்றுகை. இப்படி நாளொரு மறியலும் பொழுதொரு போராட்டமும் தமிழகத்தில் தண்ணீருக்காக நடந்து கொண்டிருக்கிறது. ஆனால், ரொட்டி இல்லையா கேக் சாப்பிடுங்கள் என்று பிரெஞ்சு மகாராணி மேரி அன்டொய்னட் சொன்னதுபோல் தமிழகத்தின் ராணியாரும் தவிக்கும் வாய்க்கு தண்ணீர் இல்லையா பத்து ரூபாய்க்கு அம்மா குடிநீர் வாங்கிப் பருகுங்கள் என்கிறார். தனியார் நிறுவனங்களின் தண்ணீர் பாட்டில் 1 லிட்டர் விலை 20 ரூபாயாம். ரயில் நிலையங்களில் தண்ணீர் பாட்டில் விலை 15 ரூபாயாம். அதனால், பேருந்தில் போகும் பயணிகளுக்கு பத்து ரூபாய்க்கு தண்ணீர் பாட்டில் தருகிறாராம் தமிழக முதல்வர்.

தமிழக அரசுப் போக்குவரத்துக் கழகத்தினால் அம்மா குடிநீர் தயாரிக்கப்பட்டு, அரசு பேருந்துகள் மூலமே கொண்டு செல்லப்பட்டு பேருந்து நிலையங்களில் விற்பனை செய்யப் படுகிறது. இந்த விற்பனையில் ஈடுபடுபவர்கள் தமிழக அரசு போக்குவரத்து கழகத்தில் ஏற்கனவே வேலை பார்த்துக் கொண்டிருப்பவர்கள். அதிமுக சங்கத்தைச் சேர்ந்தவர்களைத் தவிர மற்றவர்கள் சும்மா இருந்து விற்பனை செய்வதற்கு கூட வரத் தயங்குகிறார்களாம். ஏனென்றால், வரும் பாட்டில்கள் உடைந்து போய்விட்டால் அந்தப்பாட்டில்களுக்கான காசை அந்த விற்பனையாளர்தான் கட்ட வேண்டுமாம். கும்மிடிப் பூண்டியில் சாலைப் போக்குவரத்து நிறுவனமான ஆய்ஆர்டிக்கு சொந்தமான இடத்தில் இருந்துதான் அம்மா குடிநீர் தயாராகிறது. ஓட்டுநர் வேலையில் சேர பயற்சிக்கு வந்தவர்களை வைத்து குடிநீர் தயாராகிறது. அம்மா குடிநீர் தயாரிக்கும் தொழிலாளர்களுக்கே அங்கு சுத்தமான குடிநீர் தரப்படுவதில்லை என்று குமுறுகிறார்கள் தொழிலாளர்கள். 

அம்மா குடிநீர் பாட்டிலில் பச்சைக் கலரில் இரட்டை இலைகள் துளிர் விடுகின்றன. யாராவது வழக்கு போட்டால், அது இலை இல்லை, குதிரை இறக்கை என்று சொல்லிக் கொள்வார்கள். ஆனால், பாட்டில் லேபிளில்  ‘மழை நீரைச் சேமிப்போம். நிலத்தடி நீரை அதிகரிப்போம்’. ‘முதலமைச்சர் அம்மாவின் சீரிய சிந்தனையில் மலர்ந்த மழை நீர் சேமிப்புத் திட்டத்தை திறம்பட செயல்படுத்துவோம்’ ‘மழை நீரைச் சேமித்து நீர் வளத்தைக் காப்போம்’ என அச்சடித்துள்ளார்கள்.

விருட்சமாக வளர்ந்து நிழலும் மழையும் கொடுத்த சாலையோர மரங்களையெல்லாம் சாலை சீரமைப்பு என்ற பெயரில் வெட்டிச் சாய்த்து விட்டு, மழை நீரைச் சேமிப்பதற்காக உருவாக்கப்பட்ட பெரிய பெரிய ஏரிகளையும் குளங்களையும் கண்மாய்களையும் கட்டடங்கள் கட்டி காணாமல் செய்துவிட்டு இப்போது குட்டி குட்டியாய் தொட்டி கட்டி நீர் வளத்தைப் பெருக்கச் சொல்கிறார் ஜெயலலிதா.

ஆற்று மணலெல்லாம் அள்ளப்பட்டு விட்டதால் கண்ணாடியாக இருந்த தண்ணீர் எல்லாம் களிமண் கலவையாக மாறிவிட்டது. இப்போது குடிநீருக்காக பூமியைக் குடைந்து தண்ணீர் எடுத்து அதையும் விற்றும் காசு பார்க்கும் மகா கொள்ளைத் திட்டத்தை அமல்படுத்தியிருக்கிறார் ஜெயலலிதா.
மத்திய அரசை எதிர்ப்பதுபோல் காட்டிக் கொள்ளும் அவர், மத்திய அரசின்  முதலாளிகள் சார்பு, மக்கள் விரோத கொள்கைகளை யெல்லாம் மன்மோகன் அமல்படுத்துவதற்கு முன்பே தமிழகத்தில்  அமல்படுத்தி முதலிடம் பிடிக்கிறார். கையில் காசு திட்டத்தை மத்திய அரசு அறிவித்த உடனேயே ஒரு புறம் அதை எதிர்ப்பதுபோல் எதிர்த்துக் கொண்டு மறுபுறம் பொங்கல் செலவுக்கு ரேசன் கடைகள் மூலம் 100 ரூபாய் கொடுத்தார். அந்தப் பணத்தின் கணிசமான பகுதி டாஸ்மாக் மூலம் அரசு கஜானாவிற்குத் திரும்பப் போனது தனி கதை. 

அதேபோல், மன்மோகன் அரசு, தண்ணீர் கொள்கை 2012 மூலம் தண்ணீரையும் விற் பனைப் பொருளாக்கி டாடாக்களும் அம்பானிகளும் சம்பாதிப்பதற்கான சதித் திட்டத்தை உருவாக்கியிருக்கிறது. அந்தத் திட்டத்தைத் தான் முதலாவதாக தமிழகத்தில் அரங்கேற்றி யிருக்கிறார், அம்மா குடிநீர் என்ற பெயரில். பேருந்தில் பயணிப்போருக்கு 1 லிட்டர் பாட்டில் என்பதுபோல், வீடுகளுக்கு 20 லிட்டர் பாட்டில் கொண்டு வருவதற்கான திட்டமும் அரசிடம் உள்ளதாம். யாரும் கார்ப்பரேஷன் தண்ணீருக்கு இனி தவம் கிடக்க வேண்டாம். உங்கள் வீடு தேடி வரும் அம்மா குடிநீர். ஆனால், வீட்டு பட்ஜெட்டில் தண்ணீருக்கு என்று மட்டும் தனியாக எடுத்து வைக்க வேண்டும்.

தண்ணீரை அரசே விற்பனை செய்வதன் மூலம் தண்ணீரும் விற்பனைப் பொருள்தான் என்கிற எண்ணத்தை மக்கள் மனதில் முதலில் பதிய வைக்கிறார்கள். அடுத்து குறைந்த விலையில் குடிநீர் பாட்டில் கொடுத்து குக்கிராமத்தில் உள்ளவர்களையும் கூட தண்ணீர் பாட்டில் வாங்கும் பழக்கத்தை ஏற்படுத்தி, குடிநீர் வேண்டும் என்றால் காசு கொடுத்து வாங்கினால் தப்பில்லை என்கிற மனநிலையை மக்களிடத்தில் ஏற்படுத்துவதற்கான உத்திதான் இது.

எல்லார் கையிலும் எல்லார் வீட்டிலும் தண்ணீர் பாட்டில் என்று வந்த பின்பு தண்ணீர் விற்பனையை ஒட்டுமொத்தமாக தனியார் கையில் தாரை வார்த்து விடும் அரசு.  தமிழகத்தில் ஏற்கனவே அமெரிக்காவின் கொக்கக்கோலா நிலத்தடி நீரை உறிஞ்சி எடுத்துக் கொண்டிருக்கிறது. அம்மா குடிநீர் சேவையல்ல. தண்ணீர் தனியார்மயமாக்கத்திற்கான முதல்படி. பாட்டில் தண்ணீர், தண்ணீரை விற்பனைப் பொருளாக்குவது என்பது ஒருபுறமிருக்க, இன்னொரு புறம் மொத்த நிலமும் நீரும் மாசுபட்டு வருங்கால சந்ததியினரின் வாழ்க்கையையே நாசமாக்கப் போகும் மோசமான திட்டமாகும்.

சமீபத்தில் ஜெர்மன் ஃபெடரல் இன்ஸ்ட் டியுட் ஆப் ஹைட்ராலஜி அமைப்பின் ஆய்வாளர்கள் வேறுவேறான 18 பாட்டில் தண்ணீரை சோதனை செய்து பார்த்ததில் பாட்டில் தண்ணீரில் 24,520 வேறு வேறு வேதிப் பொருட்கள் உள்ளன என்றும் அவை மனித உடல் நலத்திற்கு தீங்கானது என்றும் கண்டு பிடித்துள்ளார்கள். 18 பாட்டில்களில் 13 பாட்டில்களில் இருந்த தண்ணீரில் பெண் தன்மையை அழிப்பதற்கான பொருள்கள் இருந்ததையும் 16 பாட்டில் தண்ணீரில் ஆண் தன்மையைக் கட்டுப்படுத்தும் வேதிப் பொருள்கள் இருந்ததையும் மனித இன உற்பத்திக்கே தீங்கு விளைவிக்கக் கூடியவை என்பதையும் கண்டுபிடித்துள்ளார்கள். இதற்கு முக்கிய காரணம் பிளாஸ்டிக் பாட்டில் தயாரிப்பில் நாளமில்லா சுரப்பிகளை நாசப்படுத்தும் வேதிப் பொருள்கள் அதிகமாகப் பயன்படுத்தப்படுவதுதான்.

மகிழுந்து மற்றும் பேருந்துகளில் கொண்டு செல்லப்படும் பாட்டில் தண்ணீரில் சூடேறி பிளாஸ்ட்டிக்கின் வேதிப்பொருள் தண்ணீரோடு கலந்து விடுகிறது என்றும் அந்தத் தண்ணீர் புற்றுநோயை உருவாக்கும் என்றும் கண்டுபிடித்துள்ளார்கள். குறிப்பாக. கர்ப்பமான பெண்கள் கார்களில் வெகுநேரம் வைத்திருந்த பாட்டில் தண்ணீரை பருகக் கூடாது என்று கூறியுள்ளார்கள்.

அய்க்கிய அமெரிக்கா மற்றும் கனடா நாடுகளில் உள்ள மாகாண அரசுகள், பிளாஸ்டிக் தண்ணீர் பாட்டில்களின் விற்பனைக்குத் தடை விதித்துள்ளன. அவர்கள் அதிர்ச்சி தரும் 5 முக்கிய காரணங்களைச் சொல்கிறார்கள்.

(1) பிளாஸ்டிக் பாட்டில்கள் மக்கிப்போக 1000 ஆண்டுகளும் மேல் ஆகும். அவற்றை எரித்தால் விஷ வாயுக்களை உருவாக்கும். பாட்டில்கள் ஒருமுறை பயன்படுத்துவதற்கு மட்டுமே தயாரிக்கப்படுகின்றன. (திரும்பத் திரும்ப பயன்படுத்தினால் உடலுக்கு தீங்கு. அதனால்தான் தண்ணீரைக் குடித்துவிட்டு பாட்டிலை கசக்கிக் போட்டுவிடவும் என்று பாட்டில்களிலேயே குறிப்பிட்டிருப்பார்கள்). எனவே 80% பாட்டில்கள் குப்பைகளாகின்றன.

(2) எல்லா பாட்டில்களையும் மறுசுழற்சிக்குப் பயன்படுத்த முடியாது. பெட் பாட்டில்களை ளஆர்ற்ற்ப்ங்ள் ம்ஹக்ங் ர்ச் டர்ப்ஹ்ங்ற்ட்ஹ்ப்ங்ய்ங் ற்ங்ழ்ங்ல்ட்ற்ட்ஹப்ஹற்ங் (டஉப, ள்ர்ம்ங்ற்ண்ம்ங்ள் டஉபஉ)ன மட்டுமே மறுசுழற்சிக்குப் பயன்படுத்த முடியும். அய்ந்தில் ஒரு பாட்டில் மட்டுமே மறுசுழற்சிக்குப் போகிறது. மற்ற எல்லாமே தூர வீசப்படுகிறது.

(3) இவ்வாறு தூர வீசப்பட்ட பாட்டில்கள் அய்க்கிய அமெரிக்காவில் மட்டுமே 2 மில்லியன் டன்.

(4) அய்க்கிய அமெரிக்காவின் தண்ணீர் பாட்டில்  தயாரிப்புக்கு மட்டுமே 1.5 மில்லியன் பீப்பாய்கள் (ஒரு பீப்பாய் சுமார் 160 லிட்டர்) எண்ணெய் செலவாகிறதாம். இது ஒரு வருடத்தில் 1 லட்சம் காருக்கான சக்தியை உற்பத்தி செய்வதற்கு ஆகும் எண்ணெயின் அளவை விடக் கூடுதல். இதனுடன் கச்சா எண்ணெய், உற்பத்தியின்போது வெளியிடப்படும் வாயுவின் அளவு மற்றும் பாட்டில்களைக் கொண்டு செல்வதற்கு ஆகும் போக்குவரத்திற்கான எண்ணெய் செலவுகளைச் சேர்த்தால் பல ஆயிரம் மில்லயன் பீப்பாய்கள் எண்ணெய் செலவாகிறதாம்.

(5) மிக மிக முக்கியமான பிரச்சனை என்னவென்றால், 1 லிட்டர் பாட்டில் குடிநீர் தயாரிக்க 3 லிட்டர் தண்ணீர் செலவழிக்க வேண்டியுள்ளது. அதாவது, 1 கிலோ கிராம் பாட்டில் தண்ணீர் தயாரிக்க 26.876 லிட்டர் தண்ணீரும் ஒரு லிட்டர் கச்சா எண்ணெய்யும் 1.8 பவுண்ட் எரிவாயுவும் செலவு செய்ய வேண்டியுள்ளது. ஒரு காலன் (3.785 லிட்டர்) தண்ணீர் தயாரிக்க 10 டாலர் செலவாகிறது என்றால், அதே அளவு குழாய் தண்ணீருக்கு 0.0015 டாலர்தான் செலவாகிற தாம். மேலும் 40 சதவீத பாட்டில் தண்ணீரில் அப்படியே குழாய் தண்ணீர்தான் பயன்படுத் தப்படுகிறதாம். தண்ணீரை பாட்டில்களில் அடைக்கப்பட்ட பின்பு சோதனைகள் எதுவும் செய்யப்படுவதில்லையாம். 


அய்க்கிய அமெரிக்காவிலேயே அப்படி என்றால் இந்தியாவில் தமிழகத்தில் கேட்கவே வேண்டாம். பிளாஸ்டிக் பைகளும் பிளாஸ்டிக் பாட்டில்களும் கடலில் சேர்வதால் ஒவ்வொரு ஆண்டும் கிட்டத்தட்ட 10 லட்சம் கடல் வாழ் உயிரினங்கள் அழிகின்றன என ஆய்வாளர்கள் கூறுகிறார்கள்.

இந்த ஆண்டு துவக்கத்தில் அயக்கிய அமெரிக்காவின் மசாசூட்ஸ் மாகாணத்தில் உள்ள கண்கார்ட் நகரத்தில் தண்ணீர் பாட்டில் பயன்பாட்டிற்குத் தடைவிதித்துள்ளது அங்குள்ள நிர்வாகம். மீறிப் பயன்படுத்துவோருக்கு முதல் தடவை 25 டாலர் அபராதம். அடுத்த முறை என்றால் 50 டாலர் அபராதம்.  மக்கள் குழாய் தண்ணீரைப் பயன்படுத்துவதை ஊக்குவிக்கவும் பிளாஸ்டிக்கினால் ஏற்படும் தீங்கிலிருந்து மக்களைக் காப்பற்றவுமே இந்த நடவடிக்கை என்று அம்மாநில  அரசு அறிவித்துள்ளது. தண்ணீர் பாட்டில் நிறுவனங்கள் எதிர்ப்பு தெரிவித்தாலும் அரசு அதைக் கண்டு கொள்ளவில்லை.

ஆனால், மக்கள் நலனுக்கு எதிரானது என்று  அயக்கிய அமெரிக்கா உள்ளிட்ட பல உலக நாடுகள் தடைவிதிக்கும் திட்டங்கள் எல்லாவற்றையும் அது அணுஉலையில் இருந்து பிளாஸ்டிக் பாட்டில் தண்ணீர் வரை தமிழக மக்கள் தலையில் கட்டுவதையே தன் தலையாயக் கடமையாகச் செய்து வருகிறார் ஜெயலலிதா.

கொடுத்ததெல்லாம் கொடுத்தான் அவன் யாருக்காகக் கொடுத்தான். ஒருத்தருக்கா கொடுத்தான் இல்லை ஊருக்காகக் கொடுத்தான் என்று  தன்னுடைய தலைவர் பாடியதை வைத்து ஆட்சியைப் பிடித்த ஜெயலலிதா அது வெறும் சினிமாப் பாட்டுதானே என தன் செயலின் மூலம் காட்டுகிறார். அம்மாவின் திட்டங்கள் தமிழக மக்களுக்கு வரம் என்று கொக்கரிக்கிறார்கள் அவர் விசுவாசிகள். ஆனால், உண்மையில் அம்மாவின் திட்டங்கள் தமிழக மக்களுக்கு வரம் அல்ல; சாபம்.

மக்கள் திரள் கல்வி வகுப்புக்கள்

சென்னையில் அக்டோபர் 2 அன்று அம்பத்தூரிலும் திருபெரும்புதூரிலும் இரண்டு கல்வி முகாம்கள் நடந்தன. கட்சியின் 9ஆவது காங்கிரசில் நிறைவேற்றப்பட்ட தொழிலாளர் வர்க்க இயக்கம்: சூழல், கடமைகள், வாய்ப்புக்கள் என்ற தீர்மானங்கள் மீது இந்த வகுப்புக்கள் நடத்தப்பட்டன. இந்த வகுப்புக்களுக்கான விவாதக் குறிப்புக்கள் பிரசுரிக்கப்பட்ட செப்டம்பர் மாத தொழிலாளர் ஒருமைப்பாடு பத்திரிகை 500 பிரதிகள் மீண்டும் அச்சிட்டு, வகுப்பில் கலந்துகொண்டவர்களுக்கு வினியோகிக்கப்பட்டது.

டிஅய்டிசி, ஆன்லோடு கியர்ஸ், இன்னோவேட்டர்ஸ், சாய்மிர்ரா, ஸ்டான்டர்டு கெமிக்கல்ஸ், ஜெய் இன்ஜினியரிங், இன்டோடெக், பாலாஜி மோல்ட், கிளைமேக்ஸ் புராடக்ட்ஸ், காஞ்சி காமகோடி குழந்தைகள் மருத்துவமனை, சென்னை ஜிம்கானா கிளப், அரசு அச்சகம், பிஅண்டுசி ஆகிய நிறுவனங்களை சேர்ந்த தொழிலாளர் முன்னோடிகள், திருவள்ளூர் மாவட்டத்திலுள்ள சங்க முன்னோடிகள், சென்னை கட்சி உறுப்பினர்கள், முன்னணிகள் என 350 பேர் வகுப்பில் கலந்துகொண்டனர்.

ஒருமைப்பாடு இதழில் உள்ள 3 பக்க குறிப்புக்களை 11 தோழர்கள் வாசிக்க, அரசியல் தலைமைகுழு உறுப்பினர் தோழர் எஸ்.குமாரசாமி ஒவ்வொரு பகுதியிலும் விளக்கி பேசினார்.

சென்னையில் கட்சி ஆவணத்தின் மீது இத்தனை முன்னோடிகள் படித்து புரிந்து கொண்டது இதுதான் முதல்முறை. ஆனாலும் எந்த சலசலப்பும் இடைவேளையும் இல்லாமல் நடைபெற்றது. தீப்பொறி வாசகர் வட்டக் கூட்டங்களை பெரும்திரள் பேரவைகளில் படிக்க விவாதிக்க முடியும் என்பதை உணர்த்தியது இக்கூட்டம்.

இதே தலைப்பில், நாமக்கல் மாவட்டம் பள்ளிபாளையம், குமாரபாளையத்தில் தொழிலாளர் கல்வி வகுப்புகள் நடத்தப்பட்டன. 05.10.2013 அன்று பள்ளிபாளையத்தில் 40 விசைத்தறி தொழிலாளர்கள் பங்கு பெற்ற கல்வி வகுப்பு நடைபெற்றது. கட்சியின் மாநிலக்குழு உறுப்பினர் தோழர் கோவிந்தராஜ் விளக்கிப் பேசினார்.

06.10.2013 அன்று குமாரபாளையத்தில் நடைபெற்ற கல்வி வகுப்பில் விசைத்தறி தொழிலாளர்கள் 30 பேருடன் திருப்பூர் நுகர்பொருள் வாணிபக் கழக தொழிலாளர்கள் 30 பேர் கலந்து கொண்டனர். தோழர்கள் ஏ.கோவிந்தராஜ் மற்றும் கே.கோவிந்தராஜ் ஆகியோர் விளக்கமளித்துப் பேசினர். ஏஅய்சிசிடியு மாநிலத் தலைவர் தோழர் என்.கே.நடராஜன் தொகுப்புரையாற்றினார்.

ஆதி திராவிடர் நலத்துறை அமைச்சர் தொகுதியான கந்தர்வகோட்டையில் அரசாணை எண் 92 அமல்படுத்தக் கோரி

புதுக்கோட்டை மாவட்டம் கந்தர்வகோட்டை, ஆதி திரவிடர் நலத்துறை அமைச்சர் திரு.சுப்பிரமணியன் அவர்களின் தொகுதியாகும். 05.10.2013 அன்று அரசாணை 92அய் அமல்படுத்த வலியுறுத்தி நூற்றுக்கணக்கான மாணவர்களும், இளைஞர்களும் ஊர் பொது மக்களும் கலந்து கொண்ட பொதுக் கூட்டம் புரட்சிகர இளைஞர் கழகம் மற்றும் அகில இந்திய மாணவர் கழகம் சார்பில் நடத்தப்பட்டது.

புரட்சிகர இளைஞர் கழக மாவட்ட அமைப்பாளர் தோழர் சாமி.கோவிந்தராஜ் தலைமை வகித்தார். கூட்டத்தில் புரட்சிகர இளைஞர் கழகம் அகில இந்தியச் செயலாளர் தோழர் பாரதி, அகில இந்திய மாணவர் கழகத்தின் மாநிலச் செயலாளர் தோழர் சீதா, ஜனநாயக வழக்கறிஞர் சங்க தோழர் அதியமான், அகில இந்திய மாணவர் கழக மாநில பொதுச் செயலாளர் தோழர் ரமேஷ்வர் பிரசாத், இகக (மாலெ) மாவட்டச் செயலாளர் தோழர் ஆசைத்தம்பி, மாநிலக் குழு உறுப்பினர் தோழர் வளத்தான் ஆகியோர் உரையாற்றினர்.

ஆதி திராவிடர் நலத்துறை அமைச்சர் அரசாங்கத்தின் ஊதுகுழலாக செயல்படாமல், தலித்துகளின் நலனிலிருந்து செயல்பட வேண்டுமென்றும், அரசாணையை அமல் படுத்தாமல் இருக்கும் ஜெயலலிதா அரசை வன்மையாக கண்டித்தும் உரையாற்றினர்.

ரசாயன ஆலையை மூடு

குடிநீரை, வாழ்வாதாரத்தை, சுகாதாரத்தை கடுமையாக பாதிக்கும் அபிலாஷ் ரசாயன ஆலையை மூட வேண்டும் என்ற கோரிக்கையுடன் மதுரையில் செப்டம்பர் 19 அன்று மாலெ கட்சி ஆர்ப்பாட்டம் நடத்தியது.

நூற்றுக்கணக்கானவர்கள் கலந்துகொண்ட ஆர்ப்பாட்டத்தில் மாலெ கட்சி மாநிலச் செயலாளர் தோழர் பாலசுந்தரம் கண்டன உரையாற்றினார்.

தோழர்கள் மதிவாணன், பி.காளிதாஸ் ஆகியோரும் போராட்டத்துக்கு ஆதரவு தந்த இகக மற்றும் மதிமுக கட்சிகளைச் சேர்ந்தவர்களும் உரையாற்றினர். ஆலை ஏற்படுத்தியுள்ள மாசு பற்றி மதுரை கட்சி அமைப்பு விரிவான ஆய்வு மேற்கொண்டுள்ளது

மாலெ கட்சி தலைவர்கள் மீதான பொய் வழக்கைத் திரும்பப் பெறு

கெடிலத்தில் நடந்த பாலியல் வன்முறை சம்பவத்தை கண்டித்தும் பாதிக்கப்பட்ட பெண்ணுக்கு நியாயம் கோரியும் விழுப்புரம் மாவட்ட மாலெ கட்சி ஆர்ப்பாட்டம் நடத்தியது.

இதனால் ஆத்திரமுற்ற குற்றவாளி தரப்பினர் விழுப்புரம் மாவட்ட மாலெ கட்சி செயலாளர் தோழர் எம்.வெங்கடேசன், மாவட்டக் குழு உறுப்பினர் தோழர் கலியமூர்த்தி மற்றும் தோழர் கந்தசாமி ஆகியோர் மீது கத்தி கொண்டு தாக்க வந்தார்கள் என்று பொய் வழக்கு போட்டுள்ளனர். இந்த பொய் வழக்கை திரும்பப் பெற வேண்டும் என்று வலியுறுத்தி செப்டம்பர் 26 அன்று கெடிலத்தில் ஆர்ப்பாட்டம் நடத்தப்பட்டது.

350 பேர் கலந்துகொண்ட ஆர்ப்பாட்டத்திற்கு தோழர் எம்.வெங்கடேசன் தலைமை தாங்கினார். மாலெ கட்சி மாநிலச் செயலாளர் தோழர் பாலசுந்தரம், அகில இந்திய முற்போக்கு பெண்கள் கழக மாநிலத் தலைவர் தோழர் தேன்மொழி ஆகியோர் கண்டன உரையாற்றினர்.

மக்கள் திரள் கல்வி வகுப்பு: ஒரு புதிய அனுபவம்

கோவையில் செப்டம்பர் 22 அன்று இரண்டு கல்வி முகாம்கள் நடைபெற்றன. காலையில் ஒரு முகாமும் மாலையில் ஒரு முகாமும் நடைபெற்றது.

காலையில் நடைபெற்ற முகாம் பெரியநாயக்கன்பாளையத்தில் காலை 11 மணிக்கு மதியம் 1 மணி வரை நடைபெற்றது.  சின்னியம்பாளையம் அருகில் மாலை 4 மணி முதல் 7 மணி வரை கல்வி முகாம் நடைபெற்றது. காலையில் நடைபெற்ற கல்வி முகாமில் பிரிக்கால் தொழிலாளர்கள், எல்.எம்.டபுள்யூ தொழிலாளர்கள், அய்டிசி தொழிலாளர்கள், சுபா பிளாஸ்டிக் தொழிலாளர்கள் மற்றும் எம்.எல் கட்சி உறுப்பினர்கள் உட்பட ஏறத்தாழ 350 பேர்கள் கலந்து கொண்டார்கள்.

சின்னியம்பாளையம் கல்வி முகாமில் சாந்தி கியர்ஸ் தொழிலாளர்கள் 244 பேர் கலந்து கொண்டனர். சாந்தி கியர்சில் மொத்தமுள்ள தொழிலாளர்கள் 285 பேர். இவர்களில் 41 பேர் வகுப்பில் கலந்துகொள்ள முடியாமல் போனதற்கு அவர்கள் முன்னரே நிர்ணயித்த நிகழ்ச்சிகள் பலருக்குக் காரணமாக இருந்தன.
பரந்த தொழிலாளர் வர்க்கம் மத்தியில் மாலெ கட்சியின் 9ஆவது காங்கிரஸ் ஆவணமான ‘தொழிலாளர் வர்க்க இயக்கம்: சூழல், கடமைகள், வாய்ப்புக்கள்’ மீதான தீர்மானத்தை எடுத்துச் செல்வது என்ற முடிவு வெற்றிகரமாக அமலாக்கப்பட்டது. 

தொழிலாளர் ஒருமைப்பாடு இதழில் 3 பக்கங்களுக்கு 16 துணைத் தலைப்புக்களில் வெளியிடப்பட்ட முக்கிய அம்சங்கள் படிப்பதற்கு வசதியாக இருந்தது. பங்கெடுத்தவர்களில் 16 பேர் படிக்க மற்றவர்கள் பின் தொடர்வது பார்ப்பதற்கு அற்புதமாக இருந்தது. இரண்டு முகாம்களிலும் இது நடந்தது. இரண்டு முகாம்களிலும் தோழர் குமாரசாமி ஒவ்வொரு துணைத் தலைப்பிற்கும் விளக்கமளித்தார். படிப்பதற்காக 30 நிமிடங்கள், விளக்குவதற்காக 2 மணி நேரம் என வகுப்புகள் நடைபெற்றன.

வகுப்பில் கோவையில் இருக்கும் கட்சி மாநிலக்கமிட்டி உறுப்பினர்கள் மற்றும் மாவட்ட கமிட்டி உறுப்பினர்கள், தோழர் சந்திரன் மற்றும் ஏஅய்சிசிடியு மாநில நிர்வாகிகள் உட்பட தொழிற்சங்க நிர்வாகிகள், முன்னணி ஊழியர்கள் பங்கு பெற்றனர்.

மக்கள் திரள் கல்வி வகுப்பு ஒரு புதிய அனுபவமே. அதைக் கற்றுக் கொண்டு செழுமைப் படுத்தினால் பயன் தர பல வாய்ப்புகள் உண்டு.

அரசாணை 92அய் அமல்படுத்து !

அரசாணை 92அய் அமலாக்கக் கோரி புரட்சிகர இளைஞர் கழகமும் அகில இந்திய மாணவர் கழகமும் உயர்நீதிமன்றத்தில் வழக்கு தொடுத்ததுடன் மக்கள் மன்றத்தில் பல்வேறு போராட்டங்கள் கட்டமைத்து வருகின்றன.

செப்டம்பர் 13 அன்று சென்னை, திருவள்ளூர், காஞ்சிபுரம் மாவட்டங்களின் புரட்சிகர இளைஞர் கழகமும் அகில இந்திய மாணவர் கழகமும் பட்டினிப் போராட்டம் நடத்தின. 300க்கும் மேற்பட்டோர் கலந்துகொண்டனர்.

போராட்டத்திற்கு புரட்சிகர இளைஞர் கழக தேசிய செயலாளர் தோழர் பாரதி தலைமை தாங்கினார். இககமாலெ திருவள்ளூர், சென்னை மாவட்டச் செயலாளர்கள் தோழர்கள் எஸ்.ஜானகிராமன், எஸ்.சேகர், இகக (மாலெ) மாநிலக்குழு உறுப்பினர் தோழர் எ.எஸ்.குமார், காஞ்சிபுரம் மாவட்டப் பொறுப்பாளர் தோழர் எஸ்.இரணியப்பன் மற்றும் சென்னை மாவட்டக் குழு உறுப்பினர்கள், அகில இந்திய மாணவர் கழக முன்னணி தோழர்கள், புரட்சிகர இளைஞர் கழக முன்னணி தோழர்கள், தமிழ்நாடு மின்வாரிய டாக்டர் அம்பேத்கர் பணியாளர், பொறியாளர் சங்க பொதுச் செயலாளர் தோழர் சுப்பிரமணியன், அகில இந்திய முற்போக்கு பெண்கள் கழக முன்னணி தோழர்கள் கலந்து கொண்டனர்.

மார்க்சிஸ்ட் கம்யூனிஸ்ட் தலைவர் தோழர் கங்காதரன் கோரிக்கைகளை வலியுறுத்தி உரையாற்றினர். இகக (மாலெ) அரசியல் தலைமைக்குழு உறுப்பினர் தோழர் எஸ்.குமாரசாமி நிறைவுரையாற்றினார்.

பார்வையற்ற மாணவர், பட்டதாரிகள் போராட்டத்திற்கு அகில இந்திய மாணவர் கழகம், புரட்சிகர இளைஞர் கழகம் ஆதரவு

போராட்டத்தில் இருக்கிற பார்வையற்ற கல்லூரி மாணவர்கள் மற்றும் பட்டதாரிகளை 18.09.2013 அன்று அவர்கள் கைது செய்யப்பட்டு வைக்கப்பட்டு இருந்த நந்தனம் ஒய்எம்சிஏ மைதானத்தில் சந்தித்த புரட்சிகர இளைஞர் கழக தேசிய செயலாளர் தோழர் பாரதி, அகில இந்திய மாணவர் கழகம் மற்றும் புரட்சிகர இளைஞர் கழகத்தின் ஆதரவைத் தெரிவித்தார்.

பார்வையற்ற கல்லூரி மாணவர்கள் மற்றும் பட்டதாரிகள் சங்க அலுவலகத்திற்கு சென்ற தோழர் பாரதி மற்றும் ஜனநாயக வழக்கறிஞர் சங்க தோழர் விஜய் பார்வையற்ற மாணவர்கள் மற்றும் பட்டதாரிகள் சங்கத்தின் தலைவர் திரு.நாகராஜனை சந்தித்து போராட்டம் குறித்து கலந்துரையாடினர்.

ஊடகத் தரப்பினர் திரு.நாகராஜனை தொடர்பு கொண்டு உங்களுடைய போராட்டத்திற்கு ஆதரவாக வேறு அமைப்புகள் உள்ளதா என்று கேள்வி எழுப்பியபோது, அவரது தரப்பில் அகில இந்திய மாணவர் கழகம், புரட்சிகர இளைஞர் கழகம் தங்களுக்கு உறுதுணையாக இருப்பதாக தெரிவித்தார். அய்சா, ஆர்ஒய்ஏ போராட்டத்துக்கு ஆதரவாக சுவரொட்டி பிரச்சாரம் மேற்கொண்டது.

கட்சியை அதன் அடுத்தகட்ட முன்னேற்றத்திற்கு எடுத்துச் செல்ல கத்துக்குட்டித்தனத்துக்கும் தற்காலிகவாதத்திற்கும் விடை கொடுப்போம்! கட்சி முழுவதும் ஆழமான கடினமான புரட்சிகர வேலைநடையை பரவச் செய்வோம்! காம்ரேட் பகுதி 3

அமைப்பு விவகாரங்களில் தன்னெழுச்சிக்குத் தலை வணங்குவது...

கத்துக்குட்டித் தனம் தற்காலிகவாதம் ஆகியவற்றிற்கு எதிராகப் போராடுவது, ஒரு புரட்சிகர வேலை நடையை நிறுவுவது ஆகியவை பற்றி திபு மாநாடு பர்த்வான் கருத்தரங்கம் குறிப்பிட்ட விசயங்கள், தோழர் வினோத் மிஸ்ரா திபங்கர் எழுதியவை போன்றவற்றை இந்தப் பகுதியில் காண்போம். அதற்கடுத்து 9ஆவது அகில இந்திய மாநாட்டின் கட்சி அமைப்பு பற்றிய அறிக்கை, முன்வைக்கிற தீர்வுகளைக் காண்போம்.

•    கட்சி கட்டுதல் என்பது நிகழ்கால அன்றாட நடவடிக்கைகளில் வருங்கால கம்யூனிச லட்சியத்தை நுழைப்பதையும், ஒரு கம்யூனிஸ்ட்டின் கூட்டு வாழ்க்கை நடையைப் பேணி வளர்ப்பதையும் குறிக்கிறது. ஆகவே இது வெறுமனே ஓர் அமைப்புப் பிரச்சனை அல்ல. கம்யூனிஸ்ட் கருத்தியலுடன் நெருக்கமாகப் பிணைந்துள்ள ஒரு பிரச்சனை ஆகும்.

•    கம்யூனிஸ்ட்கள் தற்போதைய இயக்கத்தில், இயக்கத்தின் எதிர்கால நலன்களைப் பிரதிநிதித்துவப்படுத்தும்போது, கவனித்துக் கொள்ளும்போது, தொழிலாளர் வர்க்கத்தின் கருத்தியல்ரீதியான ஒன்றுபடுதல் நிகழ்கிறது; இந்தக் கருத்தியல்ரீதியான ஒன்றுபடுதல், ஒரு கம்யூனிஸ்ட் கட்சியின் பொருளாயத (கருத்து வடிவத்தில் மட்டும் அல்லாத பொருள் வடிவத்திலான) அமைப்புரீதியான அய்க்கியத்தால் மறு உறுதி செய்யப்டுகிறது.

•    இயல்பாகவே எந்த கருத்தியல் ரீதியான நசிவும் தாமதமாக அல்லாமல் உடனடியாகவே அமைப்பு ரீதியான பலவீனத்திற்கும் ஒற்றுமையின்மைக்கும் இட்டுச் செல்லும். (அடுத்து செல்லும் முன், மாவோ வினோத் மிஸ்ரா சொன்ன, தொடர்புடைய இரு விசயங்களைப் பார்ப்பது நல்லது.

‘கட்சியில் அமைப்புரீதியாக மட்டும் சேர்ந்து கருத்தியல் ரீதியாகச் சேராத பல தோழர்கள் உள்ளனர்’.      - மாவோ.

‘கம்யூனிஸ்ட் கட்சியில், உடல்கள் கட்சிக்குள் இருக்கிற, ஆன்மாவைப் புரட்சிக்கு அர்ப்பணித்த, ஆனால், மனங்கள் அளவில் முதலாளித்துவத் தாராளவாதக் கருத்துலகில் வாழும் தோழர்கள் உள்ளனர்’.   - வினோத் மிஸ்ரா)

ஆனால் கருத்தியல் ஒன்றுபடுதல், இயல்பாக, அமைப்புரீதியான ஒன்றுபடுதல் ஒத்திசைவு உறுதிப்படுதல் ஆகியவற்றிற்கு இட்டுச் செல்லாது. இங்கேதான், மிகவும் துல்லியமாக அமைப்பு என்ற தளத்திற்கு கருத்தியல் போராட்டத்தை நீட்டிக்க வேண்டும். கட்சி கட்டுதலுக்கான உணர்வுபூர்வமான முயற்சிகளை எடுக்க வேண்டும்.

•    கட்சி உணர்வு என்பது, நாம் நீண்ட காலம் போராடிப் பெற்ற மரபுகளிலிருந்து பண்புகளிலிருந்து பெறப்படுகிறது. குட்டி முதலாளித்துவ ஊசலாட்டம், ஸ்திரமின்மை மற்றும் முதலாளித்துவ அறிவுஜீவி அகங்காரம்  தனிநபர்வாதம் ஆகியவற்றிற்கு எதிரான ஒரு விடாப்பிடியான போராட்டம் நடத்துவதன் ஊடேதான், அதனைத் தக்க வைக்க முடியும், உயர்த்திப் பிடிக்க முடியும்

•    சந்தர்ப்பவாதிகளும் அராஜகவாதிகளும் கேந்திரமான கட்சி கட்டுதல் கடமையை, வடிவம் மற்றும் சம்பிரதாயத்தால் பிடித்தாட்டப்படும் விசயங்கள் எனச் சிறுமைப்படுத்து கிறார்கள் அல்லது நிராகரிக்கிறார்கள்; மாறாக, இயக்கத்தின் வளர்ச்சி மற்றும் கட்சி வேலை யின் உள்ளடக்கத்திற்குக் கூடுதல் கவனம் வேண்டும் என்கிறார்கள்.

•    லெனின், நமது வேலையின் அமைப்பு அதன் உள்ளடக்கத்திற்குப் பின் தங்குகிறது என்கிறார். அவர் மேலும் எச்சரிக்கிறார்;

‘வடிவத்தின் வளர்ச்சியுறாத மற்றும் ஸ்திரமற்ற குறை இயல்பு, உள்ளடக்கத்தை மேற்கொண்டு வளர்த்தெடுக்கும் எந்த காத்திரமான நடவடிக்கையையும் சாத்தியமே இல்லை என்றாக்குகிறது; இது ஒரு வெட்கக்கேடான தேக்கத்தை ஏற்படுத்துகிறது.

ஆற்றல் விரயத்திற்கும் சொல் மற்றும் செயலுக்கிடையில் வேறுபாடு உருவா வதற்கும் இட்டுச் செல்கிறது’. (சொல்லுக்கும் செயலுக்கும் வேறுபாடு என்பதை, திட்டத்திற் கும் திட்ட அமலாக்கத்திற்கும், இலக்குகளுக்கும் அவை அமலாவதற்கும் இடையிலான வேறுபாடு எனக் கூடப் புரிந்து கொள்ள முடியும்தானே!)

தன்னெழுச்சிக்கு எதிரான புரட்சிகர வேலைநடை பற்றி வினோத் மிஸ்ரா சொல்லும் இரு விசயங்களைக் காண்போம்.

•    ‘பொதுவான அரசியல் மற்றும் கிளர்ச்சி அணிதிரட்டல்களோடு, மக்கள் திரள் இயக்கங் களினூடே தொடர்ந்து எழுகிற புதிய சக்திகளுக்கு அழுத்தம் வைப்பது, அவர்களை கட்சிக் கல்வி மற்றும் கட்சி அமைப்புக்குள் கொண்டு வருவது, கீழ் மட்டங்களில் கட்சி செயல் வீரர் குழுக்களை கட்சிக் கிளைகளை கட்டுவது செயலூக்கப்படுத்துவது ஆகியவை கம்யூனிஸ்ட் வேலை நடையின் சாரமான கூறுகளாகும். இந்தக் கூறுகள் இல்லாத வேலை நடை, ‘இயக்கம்தான் எல்லாம் இறுதி லட்சியம் ஏதுமில்லை’ என்ற அனுமானம் அடிப்படையி லான திரிபுவாத வேலைநடை ஆகும். இயக்கத்தின் செயல்பரப்பை எப்போதும் விரிவுபடுத்துவது அதே நேரம் வேர்க்கால்மட்ட கட்சியமைப்பை செயலூக்கப்படுத்துவது - பார்த்த மாத்திரத்திலான இந்த எதிர்மறைகளின் அய்க்கியமே - கம்யூனிஸ்ட் வேலைநடையின் சாரமாகும்’.

குறிப்பிட்ட பகுதிகளில் கவனம் குவித்து வேலை செய்தல் தொடர்பாக:
‘விவகாரம் ஒரு குறிப்பிட்ட பூகோள பரப்பில் கவனம் குவிப்பது மட்டுமல்ல. மாறாக, அது, ‘உணர்வு பூர்வமான வேலைப் பகுதி’ என்ற ஒரு குறிப்பான வேலை நடையைக் குறிக்கிறது’.

‘பல அறிக்கைகள், நிகழ்ச்சிகளுக்குப் பின் ஓடும் தன்னெழுச்சியான வேலை நடையைக் காட்டுகின்றன. கோவில் நகைகள் திருட்டுப் பிரச்சனையிலோ காவிரி நீர் பிரச்சனையிலோ இயக்கம் கட்ட விரைகிறோம். இந்த நிகழ்ச்சிகள் பின்னால் ஓடுகிறோம். இந்த வேலை நடை அடிப்படையில் வளர்க்கப்படும் தோழர்கள், பருவகால ஒரு பகுதித் தன்மை உடைய தோழர்களாக மட்டுமே இருப்பார்கள். இவர்கள் பெரிய நிகழ்ச்சிகள் நடந்தால் செயல்படுவார்கள், மற்ற நேரங்களில் செயல்பட மாட்டார்கள்’.

உணர்வுபூர்வமான (தொலை நோக்கு) திட்டமும் (உடனடி) செயல் திட்டமும், ஒரு நீண்டகால நோக்கு நிலையும் கொள்கைகளும் செயல்தந்திரங்களும் கொண்ட ஒரு குறிப்பிட்ட வேலை நடையின், அன்றாடம் மக்கள் திரள் வேலை பார்க்கும் செயல்வீரர்களைக் கொண்டுள்ள ஒரு வேலை நடையின், முன்மாதிரியாக,’கவனம் குவிக்கப்பட்ட வேலைப் பகுதிகள்’ வளர்க்கப்பட வேண்டும்.

‘மக்களின் தன்னெழுச்சியான போராட்டத்திற்குள், ஓர் உணர்வுபூர்வமான கூறை நுழைப் பதற்காகவே, கம்யூனிஸ்ட் கட்சி உள்ளது. அப்படி ஒரு விசயம் இல்லாவிடில், கம்யூனிஸ்ட் கட்சி இருப்பதற்கான அவசியமே இல்லை’. தன்னெழுச்சிக்கு, மேலோட்டமான மேலாளர் வேலைநடை என்பவற்றிற்கு மாற்று எப்படி இருக்க வேண்டும் என வினாத் மிஸ்ரா குறிப்பிட்ட விசயங்களைக் கவனித்தோம்.

கட்டுரைத் தொடரின் இந்தப் பகுதியில் கட்சி கட்டுதல் தொடர்பான பர்த்வான் கருத்தரங்கில் தோழர் திபங்கர் குறிப்பிட்ட விசயங்களைக் காண்போம்.
‘கட்சி கட்டுதலில் கட்சி மற்றும் கட்டுதல் என்ற இரண்டு அம்சங்கள் உள்ளன. கட்டுதல் என்பது படைத்திடுதல் மற்றும் கட்டுமானம் தொடர்பானது. அதற்கு கட்டுப்பாடு, உறுதி, பொறுமை, கடின உழைப்பு, விடாப்பிடியான வேலை, துணிச்சல், நம்பிக்கை மற்றும் லட்சியப் பார்வை  என்ற பண்புகள் தேவை. அவநம்பிக்கை மற்றும் கையறு நிலையின் அடிப்படையில் எதனையும் கட்ட முடியாது என்பதால் தான், நாம் புரட்சிகர நம்பிக்கைக்கும் உறுதிக்கும் அழுத்தம் வைக்கிறோம்’.

‘கட்சி என்பது போராட்டம் மற்றும் மாற்றியமைப்பதோடு தொடர்புடையது. ஆனால் இந்தப் போராட்டத்தை நடத்தும் போது நாம் பொறுமையோடு இருக்க வேண்டும். ஓர் ஆக்கப்பூர்வமான கூட்டு அணுகுமுறையைப் பின்பற்ற வேண்டும். நாம், சோசலிசம் போல் ஒரு கம்யூனிஸ்ட் கட்சியையும் ஒரு லட்சிய உலகில் கட்டமுடியாது என்பதையும், அதனை ஸ்தூலமான நிலைமைகளில்தான் கட்டமுடியும் என்பதையும் வரலாற்றால் வழங்கப்பட்ட மற்றும் நிகழ்கால சமூகத்தால் வடிவமைக்கப்பட்டு தரப்பட்ட மூலப்பொருட்களின் அடிப்படையில்தான் கட்ட முடியும் என்பதையும் நினைவில் கொள்ள வேண்டும்’.

ஆக, கட்சி கட்டுதல் என்பதை, கருத்தியல் அரசியல் அமைப்புக் கடமைகளின் ஓர் ஒருங்கிணைந்த முழுமையாகக் காண வேண்டும். இந்தக் கடமைகளைத் தனித்தனி பெட்டிகளில் போடுவதோ, ஒன்றுக்கு ஒன்று எதிராக நிறுத்துவதோ சரி அல்ல. புரட்சிகர வேலைநடை மட்டுமே, தேர்ச்சிநயம் கொண்ட வேலைநடை மட்டுமே, கட்சி நடவடிக்கை களை மய்யப்படுத்தவும் கட்சியின் எல்லா ஆதாரங்களையும் முழுமையாகப் பயன்படுத்தவும், நமக்கு உதவும்.  

டில்லி வளாகங்களில் நடந்த மாணவர் தேர்தல்கள் சொல்லும் செய்தி

தேசத்தின் தலைநகரத்தில் உள்ள, உயர் கல்விக்கான இரண்டு முக்கிய மய்யங்களான, ஜவஹர்லால் நேரு பல்கலை கழகத்திலும் டில்லி பல்கலை கழகத்திலும் செப்டம்பர் 13 அன்று ஒரே நேரத்தில் மாணவர் தேர்தல்கள் நடத்தப்பட்டன. ஜவஹர்லால் நேரு பல்கலை கழகம் மீண்டும் ஒரு முறை மிகப்பெரிய அளவில் அகில இந்திய மாணவர் கழகத்துக்கு வாக்களித்தது.

 அதே அளவுக்கு முக்கியத்துவம் வாய்ந்த விதத்தில் டில்லி பல்கலை கழக மாணவர்களும் அகில இந்திய மாணவர் கழகத்தின் பட்டியலுக்கு மிகப்பெரிய ஆதரவு தந்து, மரபுரீதியாக இருதுருவ நிலை கொண்ட டில்லி பல்கலை கழகத்தில் ஏபிவிபி மற்றும் என்எஸ்யுஅய் ஆகியவற்றுக்கு எதிராக ஒரு சக்திவாய்ந்த போட்டியாளராக அகில இந்திய மாணவர் கழகத்தை எழச் செய்தனர். இந்த இரண்டு வளாகங்களிலும் இது வரை அகில இந்திய மாணவர் கழகம் பெற்ற வாக்குகளில் இந்த முறை பெற்றதே அதிகம்.

மாணவர் மத்தியில், ஒரு சக்திவாய்ந்த முற்போக்கு மாணவர் இயக்கத்துக்கான அதிகரித்து வரும் விருப்பத்தை இது தெளிவாகக் காட்டுகிறது. ராகுல் காந்தி மற்றும் நரேந்திர மோடி என்ற ஆளும் மேட்டுக்குடியினரின் ‘முன்மாதிரி’ ‘இளைஞர் திருவுரு’ என்றழைக்கப்படுபவை பற்றிய ஊடகக் கூக்குரலை நிராகரித்து, ஆயிரக்கணக்கான மாணவர் கள் புரட்சிகர இடதுசாரி இயக்கத்தின் மாணவர் மேடையான, அகில இந்திய மாணவர் கழகத்தின் மீது தமது நம்பிக்கையை தெரிவித்துள்ளனர்.

இருபது ஆண்டுகளுக்கு முன், பாஜக மத வெறி ரத்த வெள்ளத்தில் நாட்டை மூழ்கடிக்க முயற்சி செய்து கொண்டிருந்தபோது, உலகம் முழுவதும் உள்ள முதலாளித்துவ கருத்தியலாளர்கள் சோவியத் யூனியன் வீழ்ச்சியில் மகிழ்வுற்றிருந்தபோது, அகில இந்திய மாணவர் கழகம், இந்திப் பகுதியில் இருந்த வளாகங்களில் தனது வருகையை அறிவித்தது. அகில இந்திய மாணவர் கழக செயல்வீரர்கள், தங்கள் அன்புக்குரிய தியாகி தோழர் சந்திரசேகரின் நிறைவேற்றப்படாத கனவுகளை நிறைவேற்ற அரசு நிர்வாகத்தின் பகை, மாஃபியா வன்முறை ஆகியவற்றை எதிர்கொண்டனர்.

இன்று நாடு ஓர் ஆழமான பொருளாதார நெருக்கடியை சந்தித்துக் கொண்டிருக்கும்போது, தற்போதைய அரசாங்கத்தின் வழி மரபு, ஊழல், அனைத்தும் தழுவிய செயலின்மை ஆகியவற்றால் கடுமையாக பாதிக்கப்பட்டிருக்கும்போது, சங் பரிவார் இந்தக் கட்டத்தை பயன்படுத்திக் கொண்டு தனது மதவெறி மற்றும் கார்ப்பரேட் - பாசிச நிகழ்ச்சிநிரலை முன்னகர்த்த மூர்க்கத்தனமாக முயற்சி செய்யும்போது, அகில இந்திய மாணவர் கழகம் நிகழ்த்தியிருக்கிற முன்னேற்றம், தீவிரமான மாணவர் இயக்கத்துக்கு மட்டுமின்றி, ஜனநாயகம், மதச்சார்பின்மை, சமூக மாற்றம் ஆகியவை பற்றி அக்கறை கொண்டுள்ளோருக்கும் ஒரு வெற்றியாகும்.


விவசாய நிலங்கள், கனிம வளங்கள், ஆறுகள், வனங்கள் ஆகியவற்றைப்போல், உயர்கல்வியும் இன்று பெரிய கார்ப்பரேட் - ஏகாதிபத்திய தாக்குதலை எதிர்கொள்கிறது. கண்மண் தெரியாமல் வர்த்தகமயம், கட்டண உயர்வு மற்றும் நான்காண்டுகால பட்டப் படிப்பு ஆகியவை டில்லி பல்கலை கழக மாணவர்கள் மற்றும் ஆசிரியர்கள் மீது திணிக்கப்பட்டது. கார்ப்பரேட் - ஏகாதிபத்திய நலன்களுக்கு ஏற்ப, உயர்கல்வியின் இயக்கப்போக்கையும் உள்ளடக்கத்தையும் சீர்குலைக்க கட்டமைக்கப்பட்ட முயற்சிகள் மேற்கொள்ளப்படுகின்றன.

அதேநேரம், பாடத் திட்டத்தை இறுக்கமாக கட்டுப்படுத்த, வளாக ஜனநாயகத்தை முடக்க முயற்சிகள் எடுக்கப்படுகின்றன. கல்வியை ஜனநாயகப் படுத்துவது, கல்வியியல் சுதந்திரம் மற்றும் அதிசிறந்த நிலை ஆகியவற்றுக்காகவும், கார்ப்பரேட் மறுகட்டமைப்பு, காவிமய சீர்குலைவு மற்றும் இறுக்கமாகக் கட்டுப்படுத்துதல் ஆகியவற்றுக்கு எதிராகவும் அகில இந்திய மாணவர் கழகம் போராட்டக்களத்தில் முன்னணியில் நின்றது. அதன் விடாப்பிடியான போராட்டங்கள் இந்தத் தேர்தல் முடிவுகளில் நிலைநிறுத்தப்பட்டுள்ளன.

உயர்கல்வி தளம் ஒரு தனித்த தீவல்ல; வளாக ஜனநாயகம் மற்றும் கல்வியியல் சுதந்திரம் ஆகியவற்றுக்கான போராட்டம், மக்கள் உரிமைகள் மற்றும் சமூக மாற்றத்துக்கான பெரிய போராட்டத்துடன் இணைந்து செல்ல வேண்டும். அகில இந்திய மாணவர் கழகம், இந்தியாவிலும், உலகின் மற்ற இடங்களிலும் உள்ள மாணவர் இயக்கத்தின் மிகச் சிறந்த வழிமரபில் வேர்கொண்டுள்ள இந்தக் கோட்பாட்டை உறுதியாக உயர்த்திப் பிடிக்கிறது; அதன் நிகழ்ச்சிநிரல் எப்போதும் பரந்த சமூக பிரச்சனைகள் பற்றி நன்கு அறிந்துள்ளது. சமீப காலங்களில், டில்லி, மக்கள் போராட்டங்களின் சக்திவாய்ந்த கோட்டையாக எழுந்துள்ளது; வெகுமக்கள் செயலூக்கத்தின் மிகவும் துடிப்பான, துணிச்சல்மிக்க, உறுதியான போராட்ட மேடையாக அகில இந்திய மாணவர் கழகம் இருந்துள்ளது.

கார்ப்பரேட் சூறையாடலாக இருந்தாலும், பெண்கள் மீதான தாக்குதலாக இருந்தாலும், எல்லா முக்கிய பிரச்சனைகளிலும் அகில இந்திய மாணவர் கழகம், சுதந்திரம், ஜனநாயகம், நீதி ஆகியவற்றுக்கான போராட்டத்தில் முன்னணியில் இருந்துவருகிறது. அகில இந்திய மாணவர் கழகத்துக்கான வாக்கு, மாணவர் இயக்கம் பரந்த மக்கள் இயக்கத்துடன் கொண்டுள்ள இணைப்புக்கு கிடைத்த வாக்கு.

செப்டம்பர் 13 தேர்தல்களில் அகில இந்திய மாணவர் கழகத்தின் செயல்பாடு, புரட்சிகர மாணவர் இயக்கத்தின் துடிப்பான எதிர்காலத்துக்கான உத்தர வாதத்தை கொண்டுள்ளது. அகில இந்திய மாணவர் கழகம் இந்த வேகத்தை தக்க வைக்க முடியுமானால், டில்லி பல்கலை கழகத்தில் ஏபிவிபி - என்எஸ்யுஅய் ஏகபோகத்துக்கு அது முடிவு கட்ட முடியும்; தற்போதைய முதலாளித்துவ அரசியல் பிடியில் இருந்து டில்லி பல்கலை கழக வளாகத்தில் உள்ள மாணவர்களின் விருப்பத்தையும் செயலூக்கத்தையும் விடுவிக்க முடியும். ஜவஹர்லால் நேரு பல்கலை கழகம் இடதுசாரி மாணவர் அரசியலின் கோட்டையாக மரபுரீதியாக கருதப்படுகிறது.

ஆனால், கார்ப்பரேட் ஆதரவு சீர்திருத்தங்கள், மதவெறி, மண்டல் எதிர்ப்பு வெறி, சோவியத்துக்குப் பிந்தைய முதலாளித்துவ வெற்றிவாதம் என்ற சகாப்தத்தில் வலதுசாரிகள் வளாகத்தில் எந்த வகையிலும் உள்நுழைவதை அகில இந்திய மாணவர் கழகம்தான் வெற்றிகரமாக தடுத்து நிறுத்தியது.

அகில இந்திய மாணவர் கழகத்தின் சக்தி வாய்ந்த இருத்தலும் வளாகத்தில் ஜனநாயக மனநிலை அதிகரித்ததும், இககமாவின் மாணவர் அணியான எஸ்எஃப்அய்க்குள் கலகத்தையும் பிளவையும் உருவாக்கும் நிர்ப்பந்தத்தை ஏற்படுத்தின. 2012 தேர்தல்களில், ஜவஹர்லால் நேரு பல்கலை கழகம் எஸ்எஃப்அய்யில் கலகம் செய்து வெளியேறியவர்களுக்கு ஒரு வாய்ப்பு தந்தது. ஆனால், புதிய அமைப்பு மாணவர் இயக்கத்தின் தீவிர நிகழ்ச்சி நிரலை முன்னகர்த்தத் தவறிவிட்டது. இப்போது, தேசிய தலைநகரத்தில் அகில இந்திய மாணவர் கழகம், சர்ச்சைக்கிடமின்றி, இடதுசாரி மாணவர் இயக்கத்தின் தலைமை தாங்கும் பதாகையாக எழுந்துள்ளது; அந்தப் பாத்திரத்திற்கேற்ப இனி அது செயலாற்ற வேண்டும். டில்லியில் அகில இந்திய மாணவர் கழகம் வலுப்பெறுவது, வளாகத்துக்கு அப்பாலும் ஆர்வத்தைத் தூண்டும் சாத்தியப்பாடுகளுக்கான நம்பிக்கையை தோற்றுவிக்கிறது. ஊழல் எதிர்ப்பு இயக்கம் மற்றும் நிர்பயா மிருகத்தனமாக பாலியல் வன்முறைக்குள்ளாக்கப்பட்டு படுகொலை செய்யப்பட்ட பின்னணியில் எழுந்த இளைஞர் எழுச்சி ஆகியவை, இந்த சாத்தியப்பாடுகளை வெளிப்படுத்தியுள்ளன.

இந்தியாவின் பளபளப்பான தேசிய தலைநகரப் பகுதிக்குள் டில்லி விரிவடையும் கதை பிற்போக்கு மற்றும் ஒடுக்குமுறை அம்சங்களால் நிறைந்துள்ளது. இந்தப் பகுதி, மனம்போன போக்கிலான நிலப்பறி மற்றும் வாழ்விடங்களில் இருந்து வெளியேற்றுதல், தனியார்மயம் மற்றும் தொழில்துறை ஜனநாயக மறுப்பு, காப்பஞ்சாயத்து மற்றும் கவுரவக் கொலைகள், மதவெறி வன்முறை மற்றும் சமூக ஒடுக்குமுறை, போலி மோதல் படுகொலைகள், வேட்டையாடுதல்கள் மற்றும் எதிர்ப்புக்களை நசுக்குதல் ஆகியவற்றால் குறிக்கப்படுகிறது.

இந்த அநீதிகளும் ஒடுக்குமுறைகளும் கேள்விக்குட்படுத்தப்படாமல் இல்லை. போராட்டத்தின் இந்த பரந்த தளத்தில், மாணவர் சக்தியின் துணிச்சலான அறுதியிடலை இந்தியா எதிர்நோக்குகிறது. இது மட்டுமே, இந்தியாவின் இறுதி இளைஞர் திருவுருவான பகத்சிங் வழிமரபுக்கும் ‘புரட்சி’ பற்றிய அவன் கனவுக்கும் உண்மையான அஞ்சலியாக இருக்கும்.

சிவப்புத் துண்டுக்கு வந்த சோதனை...

ஜெயா தொலைக்காட்சியின் நேர்முகம் நிகழ்ச்சியில் செப்டம்பர் 22 ஞாயிற்றுக்கிழமை அன்று கலந்துகொண்ட பிரபலம் இந்திய கம்யூனிஸ்ட் கட்சியின் மாநிலச் செயலாளர் தோழர் தா.பாண்டியன். தனது அடையாளமாக அவர் காட்டிக்கொள்ளப் பார்க்கும் சிவப்புத் துண்டுடன் தோன்றினார். ரபி பெர்னார்டுடன் கலந்துரையாடினார். கலந்துரையாடலுக்கான பொருள் இந்திய பொருளாதார நெருக்கடி. பார்வையற்ற மாணவர்களும் பட்டதாரிகளும் தமிழ்நாட்டின் காவல் துறையினரால் அன்றாடம் பந்தாடப்படும் சூழலில் இந்த நிகழ்ச்சி ஒளிபரப்பானது.

இந்திய வளம், குறிப்பாக மனித ஆற்றல், இவற்றைக் கொண்டு நாம் பிற நாடுகளுக்கு கொடுக்கும் வல்லமை பெற்றவர்கள் என்பதை தலைகீழாக மாற்றி நாட்டின் பொருளாதாரத்தை நெருக்கடிக்குள் தள்ளி கார்ப்பரேட் சேவையில், ஊழலில் திளைக்கிற, மக்களை வஞ்சிக்கிற அய்முகூ ஆட்சியை ஒவ்வோர் அம்சத்திலும் அக்கு வேறு ஆணி வேறாக பிய்த்துப் போட்டு அம்பலப்படுத்தினார் தோழர் தா.பாண்டியன். இறுதியாக, மக்களுக்கான ஆட்சி எப்படி இருக்க வேண்டும் என்பதற்கு சில உதாரணங்கள் சொன்னார்.

இங்குதான் அவர் அணிந்திருந்த சிவப்புத் துண்டுக்கு சோதனை ஏற்பட்டது.
அவர் சொன்னார். ‘அம்மா உணவகத்தில் பள்ளிக் கூட குழந்தைகள் சாப்பிட்டுக் கொண்டி ருந்தார்கள். நான் அவர்களிடம் வீட்டில் நீங்கள் சாப்பிடவில்லையா என்று கேட்டேன். அம்மா காலை ஆறரை மணிக்கு வேலைக்குச் சென்று விட்டார். பத்து ரூபாய் கொடுத்துச் சாப்பிடச் சொன்னார். நான் அய்ந்து ரூபாய்க்கு இங்கு இட்டிலி சாப்பிட்டேன். மீதி அய்ந்து ரூபாய் இருக்கிறது. அதை அம்மாவிடம் திருப்பிக் கொடுப்பேன் என்று அந்தக் குழந்தை சொன்னது. எனது வீட்டில் வேலை செய்கிற இரண்டு பேர் அம்மா உணவகத்தில்தான் சாப்பிடுகிறார்கள். எனது மகளைப் பற்றிய கவலையே எனக்கில்லை. தாலிக்கு தங்கமும் அய்ம்பதாயிரமும் ரூபாயும் கிடைக்கும் என்று எனது வீட்டில் வேலை செய்கிற பெண் சொல்கிறார்’.

தோழர் தா.பாண்டியன் இதைச் சொல்லும்போது, தங்கள் ஆதரவில் இருக்கும் ஆட்சி இப்படியெல்லாம் செய்கிறது என்று அவர் முகத்தில் பெருமிதம். அந்த பெருமிதத்தோடு, ஒரு மாநிலத்தில் மக்கள் குறை தீர்க்க, அவர்களை மகிழ்வுறச் செய்ய இப்படிச் செய்ய முடியும் என்றால் நாடு முழுவதும் இப்படிச் செய்ய முடியாதா என்று கேட்டார். இந்த மாநிலத்தில் செய்யப்பட்டதும் கொள்கை என்றெல்லாம் அறிவிக்கப்படவில்லை, நேரடியாக நடைமுறைப் படுத்தப்பட்டது என்று சொல்லி அந்த நடைமுறைக்கும் தனது கருத்துக்கும் வலுவூட்டினார். மாநிலங்களில் இதுபோன்று வழிகாட்டுபவர்கள் எல்லாம் சேர்ந்து இடதுசாரிகளின் ஆதரவுடன் மத்தியில் ஆட்சியில் இருக்க வேண்டும் என்று வருகிற நாடாளுமன்ற தேர்தலுக்கான தனது செயல்திட்டத்தை இறுதியாகச் சொல்லி முடித்து விடை பெற்றார். 

இந்த நிகழ்ச்சியைப் பார்த்து முடித்தபோது, ராஜ்யசபா சீட் தான் தவறிப் போச்சு, லோக் சபாவிலயாவது இடம் புடிச்சுடணும் என்ற வாசகங்களுடன் வெளியான கருத்துப்படம் ஒன்று தவிர்க்க முடியாமல் நினைவுக்கு வந்தது. இது மட்டுமே பிரச்சனையல்ல. ஒரு ரூபாய் இட்டிலியும் தாலிக்குத் தங்கமும் மக்கள் படும் துன்பத்துக்கு, பெண்கள் படும் துன்பத்துக்கு தீர்வு என்று சொல்லப் பார்ப்பது, அதுவும் சிவப்புத் துண்டை அணிந்துகொண்டு சொல்வது பெரும்பிரச்சனை.

விலை உயர்வு, மக்கள் கையில் வாங்கும் சக்தி இல்லாமை ஆகியவை பற்றிய ஜெயலலிதா வின் ஒப்புதல்தான் மலிவு விலை இட்டிலி என்பதை, சுமங்கலித் திட்டத்தில் தமிழகச் சிறுமிகள் சிதைந்துபோவதை, ஜெயலலிதா ஆட்சியின் ஒடுக்குமுறை நடவடிக்கைகளை, கார்ப்பரேட் ஆதரவு கொள்கைகளை மலிவான இட்டிலிக் குவியலில் மறைத்துவிட ஜெயலலிதா முயற்சி செய்கிறார் என்பவற்றை எடுத்துச் சொல்லி, அய்முகூ அரசாங்கத்தின் முகத்திரையை கிழித்தது போல, ஜெயலலிதா ஆட்சியின் மக்கள் விரோத நடவடிக்கைகளை அம்பலப்படுத்துவார் என்றுதான் ஜெயலலிதா ஆட்சியின் நிஜமான அணுகுமுறையை அனுபவிக்கிற மக்கள், சிவப்புத் துண்டு அணிந்த ஒருவரிடம் எதிர்ப்பார்ப்பார்கள்.

மாறாக, தொலைக்காட்சி போன்ற ஒரு வலுவான ஊடகத்தில் மக்களை ஒடுக்குகிற, ஏமாற்றுகிற ஜெயலலிதா அரசின் நடவடிக்கை களுக்கு ஆதரவு தெரிவிப்பவர்கள் சிவப்புத் துண்டு அணிந்திருப்பது, தமிழக மக்களுக்கும் சிவப்புத் துண்டுக்கும் வந்த சோதனை என்பதைத் தவிர வேறென்ன சொல்வது?

சீனப் புரட்சி மற்றும் அது தரும் பாடங்கள் பற்றிய ஒரு சுருக்கமான சித்திரம் - டி.பி.பக்ஷி

சீனப் புரட்சியின் கட்டம் மற்றும் வகைமாதிரி இயல்பு

1. எந்தப் புரட்சிக்கும் அதன் கட்டத்தைத் தீர்மானிப்பது என்பது புரட்சிக்கு முந்தைய சமூகத்தின் புறநிலைரீதியான மதிப்பீட்டுடன் தொடர்புடையது.

 சீனாவைப் பொறுத்தவரை, அது நிலப்பிரபுத்துவத்தில் இருந்து முதலாளித்துவத்துக்கு மாறிச் செல்லும் கட்டத்தில் இருந்தது. இந்த இயல்பான மாறிச் செல்லுதலில் எந்த தெளிவான இறுதிநிலையும் ஏற்படும் முன், அந்த இயக்கப்போக்கில் ஏகாதிபத்தியமும் நிதி மூலதனமும் தலையிட்டன.

இந்த விசயத்தில் சீனா விதிவிலக்கு இல்லை என்றாலும், உலகம் முழுவதும், குறிப்பாக வளர்ச்சியடையாத மற்றும் பின்தங்கிய நாடுகளில், ஏகாதிபத்தியம் முதலாளித்துவத்தின் உச்சகட்டமாக எழுந்த பிறகு, அது குறிப்பிடத்தக்க விதத்தில் இருந்தது. உண்மையில், அதைத் தொடர்ந்து, வர்த்தகப் புரட்சி மூலம் மூலதனத் திரட்சி என்ற இயக்கப்போக்கில் காலனிமயமாக்க இயக்கப் போக்கும் துவங்கியது.

முதலாளித்துவ வளர்ச்சியின் விதிகள்படி, பொருளாதாரத்தைப் பொறுத்தவரை, மூலதனத் திரட்சி, உற்பத்தி சக்திகளிடம் இருந்த பரந்த உற்பத்தியாளர்களைப் பிரிப்பதன் மூலம் உழைப்புச் சந்தையை உருவாக்குவது, உற்பத்தி இயக்கப்போக்கில் நவீன விஞ்ஞானத்தைப் பொருத்துவது போன்ற நிலைமைகள் அதற்கு வேண்டும்.

அரசியல் இயக்கப்போக்கைப் பொறுத் தவரை, நிலப்பிரபுத்துவ மற்றும் முதலாளித்துவத்துக்கு முந்தைய பிற்போக்கு சக்திகளை களைந்தெறிய ஒரு புரட்சி, அதாவது முதலாளித்துவ ஜனநாயகப் புரட்சி வேண்டும். முதலா ளித்துவ வளர்ச்சிக்கான இந்த நிலைமைகள் நிறைவேறும் முன்னரே சீனத்தில் ஏகாதிபத்திய தலையீடும் துவங்கிவிட்டது. எனவே, சீனத்தில் மாறிச் செல்லும் கட்டத்தின் இயல்பான நிகழ்வுப் போக்கு தடுக்கப்பட்டு, அரை - நிலப்பிரபுத்துவம் மற்றும் அரை - காலனியம் என்ற வடிவத்தில் ஒரு வழிவிலகிய, சிதைக்கப்பட்ட முதலாளித்துவ வளர்ச்சிக்கான பாதை வடிவமைக்கப்பட்டது.

எனவே, சீனத்தில் புரட்சியைக் கட்டமைக்கும் கடமையை சீனக் கம்யூனிஸ்ட் கட்சி கையில் எடுத்தபோது, முதலாளித்துவ புரட்சி முற்றுபெறவில்லை. ஆனால், மானுட சமூகத்தின் வளர்ச்சி விதிகள்படி, எந்த ஒரு கட்டத்தையும் விட்டுவிட்டுச் செல்லவோ, மறைத்து விடவோ முடியாது. ஆக, சீனப் புரட்சியின் கட்டம் சாரத்தில் ஜனநாயகப் புரட்சியாக இருந்தது. ஆனால், சீனக் கம்யூனிஸ்ட் கட்சி எதிர்கொண்ட இந்த ஜனநாயகப் புரட்சி சிக்கலானதாக இருந்தது.

2. முதலாளித்துவத்துக்கு முந்தைய சமூகத்தில் இருந்த, முற்போக்கு மற்றும் புரட்சிகர தன்மை கொண்டிருந்த முதலாளித்துவ வர்க்கம், நிலப்பிரபுத்துவத்தை தூக்கியெறியும் முதலாளித்துவ ஜனநாயகப் புரட்சியின் இயல்பான தலைவனாக இருந்தது. ஆனால், ஏகாதிபத்திய சகாப்தத்தில், வளர்ச்சியடையாத நாடுகளில் எழுந்துவந்த முதலாளித்துவ வர்க்கம் பலவீனமானதாகவும் சார்புத்தன்மை கொண்டதாகவும் இருந்தது. 1917ல் ரஷ்ய பாட்டாளி வர்க்கப் புரட்சியின் வெற்றிக்குப் பிறகு, எந்தப் புரட்சியையும் நடத்துவதில் முதலாளித்துவத்துக்கு தயக்கம் ஏற்பட்டது. மேலும், ஜனநாயகப் புரட்சி முற்றுப்பெறாத நிலையில், ஏகாதிபத்தியத்தின் தலையீட்டால் வளர்ச்சி பெற்ற முதலாளித்துவத்தின் விளை பொருளாய் பாட்டாளி வர்க்கம் எழுந்தது.

இந்த அனைத்து காரணிகளும் சேர்ந்து, ஜனநாயகப் புரட்சியின் தலைவனாக முதலாளித்துவ வர்க்கம் இருப்பதை பொருத்தப்பாடு இல்லாததாக்கின. நிறைவேற்றப்படாத ஜனநாயகப் புரட்சிக்கு தலைமை தாங்கும் உள்ளாற்றல் கொண்ட ஒரே சக்தியாக பாட்டாளி வர்க்கம் எழுந்தது. இருபதாம் நூற்றாண்டு முதல், ஜனநாயகப் புரட்சி என்ற தளத்தில் இதுவே எழுந்துவரும் போக்காக மாறியது. ஆக, வரலாற்றின் இயங்கியல், முதலாளித்துவத்தை ஒழித்துக் கட்டும் சோசலிசப் புரட்சியின் இயல் பான தலைவனான பாட்டாளி வர்க்கத்தை முற்றுப் பெறாத ஜனநாயகப் புரட்சியின் தலை வனாக மாற்றியது.

பாட்டாளி வர்க்கத்தின் தலைமையிலான இந்த புதிய வகை ஜனநாயகப் புரட்சியை ‘புதிய ஜனநாயகப் புரட்சி’ என்று மாவோ வரையறுத்தார். சீனக் கம்யூனிஸ்ட் கட்சியின் தலைமையில் புதிய ஜனநாயகப் புரட்சியை நிறைவேற்றும் முதல் சோதனைக் களமாக சீனா எழுந்தது.

3. புதிய ஜனநாயகப் புரட்சிக்கு, ஜனநாயகக் கடமை, தேசியக் கடமை என்ற இரட்டைக் கடமைகள் உண்டு. ஜனநாயகக் கடமை, பெரிய தரகு முதலாளித்துவத்தை நிலப்பிரபுத்துவத்துடன் சேர்த்து தூக்கியெறியும் கடமையை பிரதிநிதித்துவப்படுத்துகிறது. தேசியக் கடமை ஏகாதிபத்தியத்தை முறியடித்து தூக்கியெறிவது. இந்த இரண்டு கடமைகளும் தனித்தனிப் பெட்டியில் இருப்பவையோ பிரிந்து இருப்பவையோ அல்ல. மாறாக, முற்றுப் பெறாத ஜனநாயகப் புரட்சியை நிறைவேற்றுவது என்ற ஒரே முழுமையான விசயத்தில், அவை ஒன்றுக்கொன்று தொடர்புடையவை; ஒன்றுடன் ஒன்று இணைந்தவை.

4. நிலப்பிரபுத்துவத்தை தூக்கியெறிவதே புதிய ஜனநாயகப் புரட்சியின் அடிப்படை கடமை என்ற போதிலும், அது, ஏகாதிபத்திய குடையின் கீழ் உள்ள அந்நிய மற்றும் உள்நாட்டு வகை முதலாளித்துவம் இரண்டையும் எதிர்கொள்ள வேண்டியுள்ளது. இதுதான் புதிய ஜனநாயகப் புரட்சியின் அடிப்படை தனித்துவம். அது, நிலப்பிரபுத்துவத்தை தூக்கி யெறியும் தனி கடமை கொண்ட முதலாளித்துவ ஜனநாயகப் புரட்சியுமல்ல; முதலாளித்துவத்தை தூக்கியெறியும் தனிப்பட்ட கடமை கொண்ட சோசலிசப் புரட்சியுமல்ல. இதில், ஜனநாயகப் புரட்சியின் அடிப்படை கடமைகள், சோசலிசப் புரட்சியின் சில கூறுகளோடு பின்னிப் பிணைந்துள்ளது.

உதாரணமாக, பெரிய நிலப்பிரபுக்களின் நிலத்தைப் பறிப்பதன் மூலம் முழுமையான நிலச்சீர்திருத்தத்தை நிறைவேற்றுவது மட்டுமின்றி, சோசலிச உணர்வின் விதைகளை புகுத்த, உழுபவர்களுக்கு (குறிப்பாக சிறு மற்றும் நிலமற்ற விவசாயிகளுக்கு) நிலம் விநியோகிப்பதன் அடிப்படையில் கூட்டுறவு இயக்கத்தையும் வளர்த்தெடுக்க வேண்டும். அல்லது பெருமூலதனம் மற்றும் அந்நிய மூலதனத்தைக் கட்டுப்படுத்துவதுடன் தொழிலாளர்களின் திறன்மிக்க ஈடுபாட்டின் அடிப்படையில் சம்பந்தப்பட்ட நிறுவனங்கள் அல்லது தொழில்களை ஜனநாயகரீதியாக நிர்வகிப்பது என்பதையும் வளர்த்தெடுக்க வேண்டும்.

இதுபோன்ற பின்னிப்பிணைந்துள்ள கடமைகளால், கம்யூனிஸ்ட் கட்சி மற்றும் பாட்டாளி வர்க்கத்தால் தலைமை தாங்கப்படும் புதிய ஜனநாயகப் புரட்சி, இடைவெளி ஏதுமின்றி, ஒரு தொடர் இயக்கப்போக்காக, சோசலிசப் புரட்சியை நோக்கிச் செல்லும்.

எனவே, சீனத்தைப் பொறுத்தவரை, புதிய ஜனநாயகப் புரட்சிக்கும் சோசலிசப் புரட்சிக்கும் இடையில் சீனச்சுவர் ஏதுமில்லை. மாறாக, கம்யூனிஸ்ட் கட்சியின் கட்டுப்பாட்டில் உள்ள அரசை பயன்படுத்திக் கொள்வதன் மூலம், அது ஒரு தொடர்ச்சியான, சுமுகமான மாறிச் செல்லுதலாக இருந்தது. அது, சீன சமூகத்தின் வளர்ச்சி பற்றிய புறநிலை ரீதியான மதிப்பீட்டின் அடிப்படையில், பொருளாதாரம், அரசியல், கலாச்சாரம் மற்றும் மேல்கட்டுமானத்தின் பிற அம்சங்கள் ஆகியவற்றில் கொள்கைகள் மாற்றம் என்ற இயக்கப்போக்கில் பிரதிபலிக்கும்.

புதிய ஜனநாயகப் பொருளாதாரத்தின் உள்ளடக்கம், கட்டுப்படுத்தப்பட்ட முதலா ளித்துவம் மற்றும் சோசலிசத்தின் கூறுகள் ஆகியவற்றின் ஒரு வகைமாதிரி சேர்க்கையாக இருக்கும். மூலதனத்தை முறைப்படுத்துதல், நில உடைமையை சமனாக்குதல், ஒருபோதும் ஒரு சிலருக்கு சொந்தமாக இருத்தல் என்ற நிலை இல்லாமை என்ற பாதையில் அது வளரும். ஒரு சில முதலாளிகள் மற்றும் நிலப்பிரபுக்கள் மக்களின் வாழ்வுரிமை மீது மேலாதிக்கம் செய்ய அனுமதிக்கப்படக் கூடாது. மறுபுறம், புதிய ஜனநாயக அரசு, பெரிய வங்கிகள், ஆலைகள், தொழில் நிறுவனங்கள் ஆகியவற்றின் உடைமையாளராகவும் இருக்க வேண்டும்.

சீனத்தின் புதிய ஜனநாயகக் குடியரசு, முதலாளித்துவ சர்வாதிகாரத்தின் கீழான முத லாளித்துவ குடியரசின் பழைய அய்ரோப்பிய - அமெரிக்க வடிவம் கொண்டதாகவும் இருக் காது; பாட்டாளி வர்க்க சர்வாதிகாரத்தின் கீழான சோவியத் வகை சோசலிச குடியரசு போலவும் இருக்காது. மாறாக, காலனிய, அரை - காலனிய நாடுகளில் நடக்கும் புதிய ஜனநாயக புரட்சி போன்ற புரட்சிகளில் ஒரு குறிப்பிட்ட வரலாற்றுக் கட்டத்துக்கு, ஒரு மூன்றாவது வடிவத்தை கடைபிடிக்க வேண் டும். இந்தக் குடியரசின் உள்ளடக்கம், ஜனநாயக மத்தியத்துவத்தின் தலைமையிலான, புதிய ஜனநாயகப் புரட்சியின் பின்னணியில், அனைத்து புரட்சிகர வர்க்கங்கள் மற்றும் தட்டுக்களின் கூட்டு சர்வாதிகாரமாக இருக்கும்.

இந்த புதிய ஜனநாயகக் கலாச்சாரம், புதிய ஜனநாயகப் பொருளாதாரம் மற்றும் அரசியலின் கருத்தியல் ரீதியான பிரதிபலிப்பாகும். உள்ளடக்கத்தில், இந்த புதிய ஜனநாயகக் கலாச்சாரம், தேசிய அளவிலான, விஞ்ஞான பூர்வமான வெகுமக்கள் கலாச்சாரமாகும்.

தேசிய பரிமாணம், ஏகாதிபத்திய ஒடுக்கு முறையை எதிர்த்து, சீன தேசத்தின் கவுரவம் மற்றும் சுதந்திரத்தை உயர்த்திப் பிடிக்கிறது. ஆனால், சீனத்தின் இயல்பான கலாச்சாரத்தின் ஆக்கபூர்வமான பாரம்பரியத்துடன் அது சுருங்கிவிடுவதில்லை; மாறாக, அழுகிப்போன ஏகாதிபத்திய கலாச்சாரத்துக்கு நேரெதிராக, பிற நாடுகளின் சோசலிச மற்றும் புதிய ஜனநாயக கலாச்சாரத்தை உள்வாங்கிக் கொள்ளவும் தயாராக இருக்கிறது.

விஞ்ஞானபூர்வ பரிமாணம், அனைத்துவிதமான நிலப்பிரபுத்துவ மற்றும் மூடநம்பிக்கை கருத்துக்களை எதிர்க்கிறது. அது விவரங்களில் இருந்து உண்மைகளை கண்டறிவதை வலியு றுத்துகிறது. ஆயினும் பழையவற்றை முழுமையாக நிராகரித்துவிடாமல், ஜனநாயக மரபை உயர்த்திப் பிடிக்கிறது.

வெகுமக்கள் பரிமாணம், அதன் பரந்த வெகுமக்கள் இயல்பை பிரதிநிதித்துவப்படுத்து கிறது. அது பரந்த உழைக்கும் மக்களுக்கு சேவை செய்கிறது. அவர்களின் போராட்டங்களில் இருந்து உத்வேகம் பெறுகிறது; அவர்களின் தன்னெழுச்சியான படைப்பில் இருந்து மூலப் பொருளை சேகரித்து,  முழுமையாக்கப்பட்ட கலாச்சார விளைபொருட்களை, அவர்கள் மத்தியில் பரவலாக்குவதன் மூலம் அவற்றை சோதிக்கிறது.

ஆக, தேசிய, விஞ்ஞான மற்றும் வெகுமக்கள் கலாச்சாரம் - மக்களின் ஏகாதிபத்திய எதிர்ப்பு, நிலப்பிரபுத்துவ எதிர்ப்பு கலாச்சாரமே புதிய ஜனநாயகக் கலாச்சாரம் - சீன தேசத்தின் புதிய கலாச்சாரம்.

சீனப் புரட்சியின் முக்கிய கட்டங்களும் முக்கிய அம்சங்களும்.... அடுத்த இதழில்